අයර්ලන්තයේ ඩබ්ලින් සහ උතුරු අයර්ලන්තයේ බෙල්ෆාස්ට් නගර අතර දුම්රිය සේවාව වඩාත් වේගවත් හා කාර්යක්ෂම කිරීම සඳහා යුරෝ මිලියන 700ක (රුපියල් බිලියන 225කට අධික) දැවැන්ත ආයෝජනයක් සිදු කිරීමට තීරණය කර තිබේ.
2028 වසර වන විට ක්රියාත්මක කිරීමට නියමිත මෙම නවීකරණය යටතේ නගර දෙක අතර ගමන් කාලය පැය දෙකකට වඩා අඩු වනු ඇත. මේ සඳහා අතිනවීන ‘ස්ටැඩ්ලර්’ (Stadler) වර්ගයේ දුම්රිය කට්ටල 8ක් අලුතින් එක් කිරීමට නියමිත අතර, එමගින් දිනකට සේවා වාර 16ක් දක්වා ධාවන වාර සංඛ්යාව ඉහළ නැංවීමට සැලසුම් කර තිබේ.
බෙල්ෆාස්ට් ග්රෑන්ඩ් සෙන්ට්රල් (Belfast Grand Central) දුම්රිය ස්ථානයේ පැවති උත්සවයකදී අයර්ලන්ත අග්රාමාත්ය (Taoiseach) මයිකල් මාර්ටින් සහ උතුරු අයර්ලන්තයේ ප්රථම අමාත්ය මිෂෙල් ඕ’නීල් යන මහත්ම මහත්මීන්ගේ සහභාගීත්වයෙන් මෙම සැලසුම් එළිදක්වන ලදී. මෙම නවීකරණය හරහා දේශසීමා අතර මගී ප්රවාහනය සහ ආර්ථික සබඳතා තවදුරටත් ශක්තිමත් වනු ඇතැයි අපේක්ෂා කෙරේ.
