සාගරය මුහුණ දෙන දේශගුණික විපර්යාස, සාගර දූෂණය, අධික ලෙස මසුන් ඇල්ලීම සහ ජෛව විවිධත්වයට සිදු වන බලපෑම් වැනි සංකීර්ණ අභියෝග ජය ගැනීමට තනි රටකට පමණක් නොහැකි බවත්, ඒ සඳහා ජාත්යන්තර සහයෝගිතාව අත්යවශ්ය බවත් ධීවර අමාත්ය රාමලිංගම් චන්ද්රසේකර් මහතා පැවසීය. ජපානයේ ටෝකියෝ නුවර පැවති ‘දූපත් රාජ්යයන්ගේ සාගර සමුළුව’ (Island States Ocean Summit – ISOS) අමතමින් අමාත්යවරයා මෙම අදහස් පළ කළේය.
ශ්රී ලංකාව වැනි ඉන්දියන් සාගරයේ පිහිටි දූපත් රාජ්යයක ආර්ථිකය සහ ආහාර සුරක්ෂිතතාව සාගරය සමඟ සමීපව බැඳී පවතින බව පෙන්වා දුන් අමාත්යවරයා, නවීන ධීවර තාක්ෂණය, චන්ද්රිකා නිරීක්ෂණ පද්ධති සහ දත්ත හුවමාරුව සඳහා දියුණු රටවල සහය සංවර්ධනය වෙමින් පවතින දූපත් රාජ්යයන්ට අත්යවශ්ය බව අවධාරණය කළේය. ශ්රී ලංකාව දැනටමත් විද්යාත්මක දත්ත මත පදනම් වූ ධීවර කළමනාකරණ ප්රතිපත්තියක් සහ ‘නීල ආර්ථික’ (Blue Economy) වැඩපිළිවෙළක් ක්රියාත්මක කරන බවත්, කඩොලාන, කොරල්පර සහ මුහුදු තෘණ පද්ධති සුරැකීමට රජය ප්රමුඛත්වය ලබා දී ඇති බවත් ඔහු සඳහන් කළේය.
මෙම සමුළුව රටවල් 35ක රාජ්ය නායකයින් සහ ධීවර අමාත්යවරුන්ගේ සහභාගීත්වයෙන් පැවැත්වුණු අතර, ජපානයේ නරුහිතෝ අධිරාජ්යයා, නෝර්වේ ඔටුන්න හිමි හාකොන් කුමරු සහ ජපාන අග්රාමාත්ය සනායේ ටකයිචි මහත්මිය ද ඒ සඳහා එක්වූහ. මෙම සංචාරය හරහා ජපානය ඇතුළු අනෙකුත් දූපත් රාජ්යයන් සමඟ ධීවර හා සාගර සම්පත් ක්ෂේත්රයේ නව තාක්ෂණික හා මූල්ය සහයෝගිතාවන් ගොඩනඟා ගැනීමට ශක්තිමත් පදනමක් සැකසුණු බව ධීවර අමාත්යාංශය වැඩිදුරටත් සඳහන් කරයි.
