පලස්තීනයේ සහ ජෙරුසලමෙහි ප්රධාන මුස්ලිම් ආගමික නායකයා (Grand Mufti) වන ෂෙයික් මුහම්මද් හුසේන් (Sheikh Muhammad Hussein) මහතාට ඉස්ලාම් භක්තිකයන්ගේ තෙවැනි පූජනීයම ස්ථානය වන අල්-අක්සා පල්ලි පරිශ්රයට ඇතුළුවීම ඉශ්රායල බලධාරීන් විසින් සතියක කාලයකට තහනම් කර තිබේ. සිකුරාදා දේව මෙහෙයෙන් අනතුරුව ඉශ්රායල ආරක්ෂක අංශ විසින් ඔහුව කෙටි වේලාවකට අත්අඩංගුවට ගෙන පසුව නිදහස් කර ඇති අතර, මෙම තහනම් නියෝගය තවදුරටත් දීර්ඝ වීමේ හැකියාවක් ද පවතී. දේව මෙහෙය අතරතුර ඉශ්රායල ප්රහාරවලින් මියගිය පලස්තීනුවන් වෙනුවෙන් සහ ඉශ්රායල සිරකඳවුරුවල සිටින පිරිස් වෙනුවෙන් ප්රාර්ථනා කිරීම හේතුවෙන් මෙම අත්අඩංගුවට ගැනීම සිදුකර ඇති බව වාර්තා වේ. 2023 ඔක්තෝබර් මාසයේ ගාසා යුද්ධය ආරම්භ වූ දා සිට බටහිර ඉවුරේ සහ නැගෙනහිර ජෙරුසලමේ පලස්තීනුවන්ට එරෙහිව ඉශ්රායලය දියත් කරන දැඩි මර්දනකාරී වැඩපිළිවෙළේ තවත් එක් පියවරක් ලෙස විදේශීය මාධ්ය මෙය පෙන්වා දෙයි.
තොරතුරු උපුටා ගැනීම: Al Jazeera ඇසුරින්
