ඊශ්රායල ආරක්ෂක බලකායන් ලෙබනනයේ දකුණු දිග කලාපයේ පිහිටි උපායමාර්ගික ලිටානි ගඟෙන් (Litani River) උතුරු දෙසින් පිහිටි ස්ථාන කරා ඉදිරියට පැමිණ ඇති බව ඊශ්රායල අග්රාමාත්ය බෙන්ජමින් නෙතන්යාහු ප්රකාශ කර තිබේ. හිස්බුල්ලා සටන්කාමීන්ට එරෙහි ප්රහාර තීව්ර කරමින්, තම ගම්බිම්වලින් ඉවත් වන ලෙස ලෙබනන් වැසියන් දහස් ගණනකට අනතුරු ඇඟවීමෙන් අනතුරුව ඊශ්රායලය මෙම ගොඩබිම් මෙහෙයුම් පුළුල් කර ඇත.
අද (29) දින ඊශ්රායල-ලෙබනන් දේශසීමාවේ සංචාරයක නිරත වූ අග්රාමාත්යවරයා හමුදා නිලධාරීන් අමතමින් කියා සිටියේ, “අපගේ සේනා ලිටානි ගඟ තරණය කර පාලක ස්ථාන කරා ඉදිරියට ගොස් ඇති” බවයි. ලිටානි ගඟ දකුණු ලෙබනනයේ සිට කිලෝමීටර් 30 ක් (හැතැප්ම 19 ක්) පමණ රට අභ්යන්තරයට විහිදෙන ප්රධාන සීමාවක් වේ. ඊශ්රායලයේ මෙම නව ඉදිරි ගමන වාර්තා වන්නේ, දෙරට අතර සාමය ඇති කිරීම සහ හිස්බුල්ලා සංවිධානය නිරායුධ කිරීම සඳහා අමෙරිකාව මැදිහත් වී සකස් කළ සැලැස්මක් වෙනුවෙන් වොෂින්ටනයේදී විශේෂ සාකච්ඡාවක් පැවැත්වෙන පසුබිමකදීය.
