ඊශ්රායල සහ ලෙබනන නියෝජිතයන් අතර දුර්ලභ ගණයේ සාකච්ඡා වටයක් ආරම්භ වීමට නියමිතව තිබියදී, හෙස්බොල්ලා සටන්කාමීන් රැඳී සිටින ලෙබනන දේශසීමා නගරයක් අත්පත් කර ගැනීම සඳහා ඊශ්රායල හමුදාව දැවැන්ත ප්රහාරයක් දියත් කර තිබේ. මෙම ප්රහාරයත් සමඟ කලාපයේ පවතින යුදමය වාතාවරණය තවදුරටත් තීව්ර වී ඇති අතර, එය රාජ්යතාන්ත්රික විසඳුමකට ඇති ඉඩකඩ අහුරා දමන බව විචාරකයෝ පවසති.
ලෙබනන බලධාරීන් පවසන පරිදි, පසුගිය කාලසීමාව පුරා ඊශ්රායලය එල්ල කළ ප්රහාර හේතුවෙන් මේ වන විට පුද්ගලයින් 2,000කට අධික පිරිසක් මියගොස් ඇති අතර, ලෙබනන වැසියන් මිලියනයකට වඩා වැඩි පිරිසක් උන්හිටි තැන් අහිමිව අවතැන් වී සිටිති. හෝමුස් සමුද්ර සන්ධියේ පවතින අර්බුදය මෙන්ම, උතුරු දේශසීමාවේ පවතින මෙම දරුණු ගැටුම් මැදපෙරදිග කලාපයම මහා පරිමාණ යුද්ධයක අද්දරට ගෙන ගොස් තිබේ.
මෙම සාකච්ඡා වටය සාමය උදෙසා ගත් වැදගත් පියවරක් ලෙස සැලකුණද, හමුදාමය ක්රියාමාර්ග තවදුරටත් ඉදිරියට ගෙන යාමට ඊශ්රායලය තීරණය කිරීම ලෝක නායකයින්ගේ දැඩි අවධානයට ලක්ව ඇත. ලෙබනනය තුළ මානුෂීය අර්බුදය දරුණු වෙමින් පවතින පසුබිමක, ජාත්යන්තර ප්රජාව වහාම මැදිහත් වී සටන් විරාමයක් ඇති කරගත යුතු බවට මානුෂීය සංවිධාන ඉල්ලීම් කර සිටියි.
තොරතුරු උපුටා ගැනීම: Reuters ඇසුරින්
