ඉශ්රායල ගුවන් ප්රහාරයකින් හිස්බුල්ලා සංවිධානයේ ප්රභූ ‘රඩ්වාන්’ (Radwan Force) බලකායේ අණදෙන නිලධාරී අහමඩ් ගාලෙබ් බලුට් (Ahmed Ghaleb Balout) ජීවිතක්ෂයට පත්වීමත් සමඟ මැදපෙරදිග කලාපයේ යළිත් දැඩි යුද උණුසුමක් හටගෙන තිබේ. සටන් විරාමයෙන් පසුව ඉශ්රායලය විසින් බීරූට් නුවර ඉලක්ක කර එල්ල කළ පළමු ප්රහාරය මෙය වන අතර, බලුට් යනු 2025 නොවැම්බර් මාසයෙන් පසු මරාදැමූ ඉහළම පෙළේ හිස්බුල්ලා නිලධාරියා වේ.
මෙම ප්රහාරයට ප්රතිචාර ලෙස හිස්බුල්ලා සංවිධානය දරුණු ප්රතිප්රහාරයක් එල්ල කරනු ඇතැයි අපේක්ෂාවෙන් ඉශ්රායල ආරක්ෂක අංශ මේ වන විට දැඩි සෝදිසියෙන් පසුවේ. උතුරු ඉශ්රායලයේ සියලුම ප්රසිද්ධ උත්සව අවලංගු කර ඇති අතර, හමුදාවේ උතුරු විධානය (Northern Command) ඕනෑම හදිසි තත්ත්වයකට මුහුණ දීමට සූදානම් කර ඇත. හිස්බුල්ලා පාර්ශ්වයෙන් මෙතෙක් ප්රහාරයක් වාර්තා වී නැතත්, ඉදිරි පැය කිහිපය තීරණාත්මක වනු ඇතැයි විදෙස් මාධ්ය වාර්තා කරයි.
