අයි.සී.සී. (ICC) දූෂණ විරෝධී නීති උල්ලංඝනය කිරීමේ චෝදනාව මත බංග්ලාදේශ ක්රිකට් ක්රීඩක සමිනූර් රහ්මාන්ට ජීවිතාන්තය දක්වා ක්රිකට් තහනමක් පැනවීමට බංග්ලාදේශ ක්රිකට් ආයතනය අද (07) පියවර ගෙන තිබේ. 2025-26 බංග්ලාදේශ ප්රිමියර් ලීග් (BPL) තරගාවලියේ ‘චැටෝග්රෑම් රෝයල්ස්’ කණ්ඩායම නියෝජනය කළ ඔහු, ඔට්ටු ඇල්ලීමේ ජාවාරම්කරුවන් සමඟ සම්බන්ධතා පැවැත්වූ බවට විමර්ශනවලදී අනාවරණය වී ඇත.
මෙම දූෂණ විමර්ශනයට අදාළව එම කණ්ඩායමේම තවත් පුද්ගලයින් සිව්දෙනෙකුගේ වැඩ තහනම් කිරීමට ද බලධාරීන් කටයුතු කර තිබේ. කෙසේ වෙතත්, ස්වභාවික යුක්තිය ඉටුකිරීමේ පදනම මත, මෙම දඬුවම් ස්ථිර කිරීමට පෙර තමන්ට එල්ල වී ඇති චෝදනාවලට නිදහසට කරුණු දැක්වීම සඳහා අද සිට දින 14ක කාලයක් අදාළ පිරිසට ලබා දී ඇත.
