ගාසා තීරයට එල්ල වූ ඊශ්රායල ප්රහාර හේතුවෙන් පලස්තීනුවන් දෙදෙනෙකු ජීවිතක්ෂයට පත්ව තවත් කිහිප දෙනෙකු තුවාල ලබා ඇති බව සෞඛ්ය අංශ සඳුදා (05) ප්රකාශ කළේය.
ගාසා නගරයේ ෂෙයික් රද්වාන් අසලට එල්ල වූ ගුවන් ප්රහාරයකින් එක් පලස්තීනුවෙකු මියගොස් දෙදෙනෙකු තුවාල ලබා ඇති අතර, තීරයේ මධ්යම ප්රදේශයට එල්ල වූ ටැංකි ප්රහාරයකින් තවත් අයෙකු මියගොස් කිහිප දෙනෙකු තුවාල ලබා ඇත.
2025 ඔක්තෝම්බර් මාසයේදී සටන් විරාමයක් ප්රකාශයට පත් කර තිබුණද, ගාසා තීරයේ ප්රචණ්ඩ ක්රියා තවමත් අඛණ්ඩව ක්රියාත්මක වේ.
ගාසා සෞඛ්ය අංශ පවසන පරිදි, සටන් විරාමයෙන් පසු පලස්තීනුවන් 830 දෙනෙකු ජීවිතක්ෂයට පත්ව ඇති අතර, යුද්ධය ආරම්භ වූ 2023 ඔක්තෝම්බර් මාසයේ සිට මියගිය මුළු සංඛ්යාව 72,500 ඉක්මවයි.
