ඉන්දීය රුපියල් කෝටි 200කට අධික මුදල් විශුද්ධිකරණ නඩුවක ප්රධාන විත්තිකරුවෙකු වන සුකේෂ් චන්ද්රසේකර්ට එරෙහිව රජයේ සාක්ෂිකාරියක් (Approver) ලෙස පෙනී සිටීමට සුපිරි නිළි ජැකලින් ෆර්නැන්ඩස් කැමැත්ත පළ කර ඇති බව විදෙස් මාධ්ය වාර්තා කරයි.
දිල්ලි අධිකරණය හමුවේ ජැකලින් සිය කැමැත්ත ප්රකාශ කිරීමෙන් පසු, බලාත්මක කිරීමේ අධ්යක්ෂ මණ්ඩලයට (ED) මේ සම්බන්ධයෙන් විධිමත් ඉල්ලීමක් ඉදිරිපත් කරන ලෙස අධිකරණය නියෝග කර තිබේ. ඇගේ ප්රකාශය සටහන් කර ගැනීමෙන් අනතුරුව, ඇයව රජයේ සාක්ෂිකාරියක් ලෙස පිළිගන්නේද යන්න පිළිබඳව අධිකරණය අවසන් තීරණයක් ගැනීමට නියමිතය.
ව්යාජ රජයේ නිලධාරියෙකු ලෙස පෙනී සිටිමින් රුපියල් කෝටි 200ක් වංචා කළ බවට සුකේෂ් චන්ද්රසේකර්ට චෝදනා එල්ල වී ඇති අතර ඔහු දැනට අත්අඩංගුවේ පසුවේ. ඔහු සමඟ සමීප සබඳතා පැවැත්වූ ජැකලින් හට ඉන් ලැබුණු බව කියන වටිනා තෑගි සහ මූල්ය ප්රතිලාභ සම්බන්ධයෙන් මීට පෙර ඇයට ද චෝදනා එල්ල වී තිබිණි.
ජැකලින් රජයේ සාක්ෂිකාරියක් බවට පත්වුවහොත්, ඇයට එරෙහිව පවතින ඇතැම් චෝදනාවලින් නිදහස් වීමට හෝ දඬුවම් ලිහිල් කර ගැනීමට අවස්ථාව හිමිවනු ඇතැයි නීති විචාරකයෝ පෙන්වා දෙති. මෙම තීරණයත් සමඟ සුකේෂ්ට එරෙහි නඩුව තවදුරටත් තීරණාත්මක වනු ඇත.
