යාපනය දිස්ත්රික් පාර්ලිමේන්තු මන්ත්රී වෛද්ය රාමනාදන් අර්ච්චුනා මහතා එළඹෙන අප්රේල් 29 වනදා දක්වා රක්ෂිත බන්ධනාගාරගත කිරීමට මල්ලාකම් මහේස්ත්රාත් අධිකරණය අද (27) නියෝග කළේය.
ගිනිඅවියක් පෙන්වා කාන්තාවකට මරණීය තර්ජනය කිරීම සහ අනවසරයෙන් ඉඩමකට ඇතුළු වීම යන චෝදනා මත ඉලවාලෙයි පොලීසිය විසින් අද උදෑසන මන්ත්රීවරයාව අත්අඩංගුවට ගන්නා ලදී.
පසුගිය අප්රේල් 25 වනදා යාපනය, පෙරියවිලාන් ප්රදේශයේ පිහිටි ඉඩමක් සම්බන්ධයෙන් ඇති වූ ආරවුලක් මෙම තත්ත්වයට හේතු වී තිබේ. අදාළ ඉඩමේ අයිතිය සම්බන්ධයෙන් මහේස්ත්රාත් අධිකරණයේ නඩුවක් පවතින අතර, මන්ත්රීවරයා එහි පිරිසිදු කිරීම් සිදුකරමින් සිටියදී කාන්තාවන් දෙදෙනෙකු පැමිණ එම ඉඩමේ අයිතිය ඉල්ලා ඔහු සමඟ බහින්බස්වීමක් ඇති කරගෙන ඇත. එහිදී මන්ත්රීවරයා ගිනිඅවියක් අතැතිව ඔවුන්ට තර්ජනය කර ඇති බවට පොලීසියට පැමිණිලි ලැබී තිබුණි.
අද පස්වරුවේ සැකකාර මන්ත්රීවරයාව මල්ලාකම් මහේස්ත්රාත් අධිකරණයට ඉදිරිපත් කිරීමෙන් අනතුරුව ලබන 29 වනදා දක්වා රක්ෂිත බන්ධනාගාරගත කිරීමට නියෝග කෙරුණි.
පසුගිය වසරේ දෙසැම්බර් මාසයේදී ද පොලිස් රාජකාරියට බාධා කිරීමේ චෝදනාවක් මත මොහුට එරෙහිව වරෙන්තු නිකුත් වී තිබූ බව වාර්තා වේ.
