ආරච්චිකට්ටුව ප්රාදේශීය ලේකම්වරයාට පහරදීමේ සිද්ධිය සම්බන්ධයෙන් වරදකරු වූ ආරච්චිකට්ටුව ප්රාදේශීය සභාවේ හිටපු සභාපති ජගත් සමන්ත මහතාට වසර 5 හමාරක බරපතළ වැඩ සහිත සිර දඬුවම් නියම කිරීමට හලාවත මහධිකරණය අද (15) තීන්දු කළේය. හිටපු රාජ්ය අමාත්ය දිවංගත සනත් නිශාන්ත මහතාගේ සොහොයුරා වන මොහුට එරෙහිව පැවති දීර්ඝ නඩු විභාගයකින් අනතුරුව මීට අදාළ තීන්දුව ප්රකාශයට පත් කෙරිණි.
සිර දඬුවමට අමතරව, පහරකෑමට ලක්වූ ප්රාදේශීය ලේකම්වරයාට රුපියල් ලක්ෂ 10ක වන්දි මුදලක් ගෙවන ලෙස ද අධිකරණය නියෝග කර ඇත. එම වන්දි මුදල ගෙවීම පැහැර හරින්නේ නම් ජගත් සමන්ත මහතාට තවත් මාස 24ක අතිරේක සිර දඬුවමක් විඳීමට සිදුවන බව ද හලාවත මහධිකරණය සිය තීන්දුව මගින් අවධාරණය කළේය.
මෙම සිද්ධියට අදාළව මුලින් සනත් නිශාන්ත මහතාට සහ ඔහුගේ සොහොයුරාට එරෙහිව චෝදනා ගොනු කර තිබූ අතර, 2024 වසරේදී සිදුවූ රිය අනතුරකින් සනත් නිශාන්ත මහතා අභාවප්රාප්ත වීම හේතුවෙන් නඩුව ඉදිරියට පවත්වාගෙන යනු ලැබුවේ ජගත් සමන්ත මහතාට එරෙහිව පමණි. අද දින ඉදිරිපත් වූ සාක්ෂි සහ කරුණු සලකා බැලූ අධිකරණය, රජයේ නිලධාරියෙකුගේ රාජකාරියට බාධා කරමින් පහරදීම සම්බන්ධයෙන් ඔහු වරදකරු බව තීරණය කළේය.
