ජයිපූර්හි පැවති විරෝධතාවක් අතරතුරදී ‘කොක්රෝච් ජනතා පක්ෂයේ’ (Cockroach Janta Party) නිර්මාතෘ අභිජීත් දිප්කේ (Abhijeet Dipke) හට පිරිසක් විසින් කිහිප වරක් කම්මුල් පහර දීමේ සිද්ධියක් වාර්තා වේ. සිය ආධාරකරුවන් විසින් ඔහුව කර මතින් රැගෙන යමින් සිටියදී මෙම පහරදීම සිදුව තිබේ.
නීට් (NEET) විභාගයේ ප්රශ්න පත්ර කාන්දුවීම සහ විරැකියාව වැනි ගැටලු සම්බන්ධයෙන් විරෝධය දැක්වීම සඳහා තරුණයින් විශාල පිරිසක් ජයිපූර්හි ‘ෂහීද් ස්මාරක්’ (Shaheed Smarak) හිදී එක්රොක් වී සිටියදී මෙම සිද්ධිය වාර්තා විය.
“මට ප්රහාර එල්ල වුවත්, අපි කිසිවිටෙකත් ආපසු පහර නොදිය යුතුයි. බියගුලු මිනිසුන් පමණක් ප්රචණ්ඩත්වයට යොමු වෙනවා. සියයක් ප්රහාර එල්ල කළත්, අපව නිහඬ කිරීමට කිසිවෙකුට නොහැකියි.” යනුවෙනි.
විරෝධතාව අමතමින් දිප්කේ රජයේ නිලධාරීන්ගේ සහ දේශපාලඥයින්ගේ ක්රියාකලාපය දැඩි ලෙස විවේචනය කළේය. රුසියානු-යුක්රේන යුද්ධය නැවැත්වීමට හැකියාව ඇතැයි පවසන පාලකයින්ට, රට තුළ සිදුවන විභාග ප්රශ්න පත්ර කාන්දුවීම් වැළැක්වීමට නොහැකි වීම පිළිබඳව ඔහු ප්රශ්න කළේය.
දේශපාලන විවේචනය: තමන් සහ විරෝධතාවට එක්වූ තරුණයින් ‘පාකිස්තානුවන්’ ලෙස ලේබල් කරන බවත්, ප්රශ්න නගන මාධ්ය ආයතන ද එසේ හඳුන්වන බවත් ඔහු චෝදනා කළේය. පසුගිය වසරේ ජලාවාර් (Jhalwar) පාසලක් කඩා වැටීමෙන් සිසුන් 6-7 දෙනෙකු මියයාමේ සිද්ධිය ද සිහිපත් කළ ඔහු, මෙය දේශපාලනඥයින්ගේ දරුවෙකුට සිදු වූයේ නම් මෙවැනි ප්රතිචාරයක් නොලැබෙනු ඇතැයි ද පැවසීය.මෙම පහරදීමේ සිද්ධියත් සමඟ විරෝධතා භූමියේ උණුසුම් තත්ත්වයක් ඇති වූ බව ද වාර්තා වේ.
