ජනශක්ති සමූහ ව්යාපාරයේ (JXG) ප්රමුඛතම අනුබද්ධ ආයතනයක් වන ජනශක්ති ලයිෆ් (Janashakthi Insurance PLC) සමාගමේ 2026 වාර්ෂික විකුණුම් සම්මාන උළෙල පසුගියදා කොළඹ Cinnamon Life, City of Dreams පරිශ්රයේදී ඉතා උත්කර්ෂවත් අන්දමින් පැවැත්විණි. දිවයින පුරා විසිරී සිටිමින් සමාගමේ වර්ධනය වෙනුවෙන් සුවිශාල දායකත්වයක් ලබාදුන් විකුණුම් බලකායේ (Sales Force) දක්ෂතාවන් සහ කැපවීම ඇගයීමට ලක්කිරීම මෙහි මූලික අරමුණ විය.
මෙම අභිමානවත් සම්මාන රාත්රිය සඳහා ජනශක්ති ලයිෆ් සමාගමේ උපදේශකවරුන්, ඒකක කළමනාකාරවරුන්, සම්බන්ධතා සහාය සේවා නිලධාරීන්, කණ්ඩායම් නායකයන් මෙන්ම ප්රාදේශීය හා කලාපීය කළමනාකාරවරුන් ඇතුළු විශාල පිරිසක් එක්ව සිටියහ. එහිදී ව්යාපාරික ක්ෂේත්රයේ දැක්වූ සුවිශේෂී කාර්යසාධනය සහ පාරිභෝගිකයින් වෙත උසස්ම සේවාවක් සැපයීම වෙනුවෙන් උපරිම කැපවීමක් පෙන්නුම් කළ විශිෂ්ටයින් රැසක් ඇගයීමට ලක් කරමින් සම්මාන පිරිනමන ලදී.
මෙහිදී සභාව ඇමතූ ජනශක්ති ඉන්ෂුවරන්ස් පීඑල්සී සමාගමේ අධ්යක්ෂ සහ ප්රධාන විධායක නිලධාරී (CEO) රවී ලියනගේ මහතා ප්රකාශ කළේ, අභියෝගාත්මක වටපිටාවක වුවද විකුණුම් කණ්ඩායම පාරිභෝගික සබඳතා ශක්තිමත් කරමින් පෙන්නුම් කළ ඔරොත්තු දීමේ හැකියාව සහ අධිෂ්ඨානය සමස්ත රක්ෂණ කර්මාන්තයටම ආදර්ශයක් බවයි. එසේම සමාගමේ සභාපතිනි අනිකා සේනානායක මහත්මිය ජයග්රාහකයින්ට සුබපැතුම් එක්කරමින් කියා සිටියේ, සෑම සාමාජිකයෙකුටම දියුණුව කරා යාමට නිරන්තරයෙන් අවස්ථා උදාකර දෙන ආයතනික සංස්කෘතියක් පවත්වාගෙන යාමට තමන් සැමවිටම කැපවන බවයි.
සමාගමේ වාර්ෂික දිනදර්ශනයේ සුවිශේෂීම අවස්ථාවක් වූ මෙම සම්මාන උළෙල වර්ණවත් කිරීම සඳහා ජනශක්ති සමූහ ව්යාපාරයේ (JXG) නිර්මාතෘ සහ සම්මානිත සභාපති සී. ටී. ඒ. ශාෆ්ටර් මහතා, අධ්යක්ෂ මණ්ඩල සාමාජිකයින් සහ ජ්යෙෂ්ඨ නිලධාරීන් රැසක් ද සහභාගි වී සිටියහ. මෙම සම්මාන උළෙල සේවකයින් දිරිගන්වමින් සාමූහික ශක්තිය ඔස්සේ ජනශක්ති ලයිෆ් සමාගමේ ඉදිරි ගමන සාර්ථක කරගැනීමට මනා පිටුවහලක් වනු ඇතැයි ආයතනික අංශ විශ්වාසය පළ කරයි.
