අද (අප්රේල් 20) පස්වරුවේ ජපානයට බලපෑ මැග්නිටියුඩ් 7.4ක ප්රබල භූමිකම්පාවෙන් පසු පළමු සුනාමි රළ එරට නැගෙනහිර වෙරළ තීරයට ළඟා වෙමින් පවතින බව විදෙස් මාධ්ය වාර්තා කරයි.
ජපානයේ ඉවාටේ (Iwate) ප්රාන්තයට පළමු සුනාමි රළ ළඟා වී ඇති අතර, මියාකෝ (Miyako) වරාය ආශ්රිතව සෙන්ටිමීටර 40ක පමණ උසකින් යුත් රළක් වාර්තා වී තිබේ. කෙසේ වෙතත්, ජපාන කාලගුණ විද්යා ඒජන්සිය අනතුරු අඟවන්නේ පැසිෆික් වෙරළ තීරය ඔස්සේ හොකයිඩෝ සහ ඉවාටේ ප්රාන්ත වෙත මීටර් 3ක් (අඩි 10ක්) පමණ උස ප්රබල සුනාමි රළ පැමිණිය හැකි බවයි.
අනතුර තවමත් පහව ගොස් නොමැති බැවින් වෙරළාසන්න වැසියන්ට වහාම ආරක්ෂිත උස් බිම් වෙත ඉවත් වන ලෙස ජපාන රජය දැඩිව අවධාරණය කර සිටී.
