ජපානයේ පළමු අග්රාමාත්යවරිය වන 65 හැවිරිදි සනායේ ටකායිචි (Sanae Takaichi) මහත්මිය තම නිල නිවසේ ගෙවන හුදකලා ජීවිතය සහ වැඩ රටාව පිළිබඳව සමාජ මාධ්ය ඔස්සේ රසවත් තොරතුරු කිහිපයක් හෙළි කර තිබේ. පසුගිය දෙසැම්බර් මාසයේදී ටෝකියෝ හි පිහිටි නිල නිවසේ පදිංචියට ගිය ඇය, මේ වන විට ධුරයට පත්ව මාස 10 ක කාලයක් ගත කර ඇත.
සති අන්තයන්හි මෙන්ම රාත්රී කාලයේදීත් දීර්ඝ වේලාවක් වැඩ කිරීමට ප්රකට ඇය, සාමාන්යයෙන් දිනකට ලබාගන්නේ පැය බිංදුවේ සිට තුන දක්වා ඉතා අඩු නින්දකි. කෙසේ වෙතත්, පසුගිය ජූලි මාසයේදී දීර්ඝ කාලයකට පසු ප්රථම වතාවට ඇයට පැය පහක නින්දක් ලැබී ඇත. නිල නිවසේ හොල්මන් සිටින බවට පැතිරුණු මත ප්රතික්ෂේප කළ අග්රාමාත්යවරිය, කෑම මේසය යට දැඩි පිරිසිදුකමක් පවත්වාගෙන ගියද, දිනක් ඇගේ පාද අසලින් කැරපොත්තෙකු ගමන් කළ අත්දැකීමක් බෙදා ගත්තාය.
කුඩා කල සිට කියවූ ෆයර්බර්ඩ් (Firebird) මැංගා කතාවල එන පුනරුත්පත්තිය සහ සංසාර චක්රය පිළිබඳ සංකල්පය නිසා ඇය මෙම කැරපොත්තා මරා දැමීමෙන් වැළකී, ඌ ඉවත් වී යන තෙක් ඉවසා සිටියාය. පසුව ඇගේ ලේකම්වරුන් විසින් විශේෂ මෙහෙයුමක් හරහා කැරපොත්තා ඉවත් කර ඇත.
මීට අමතරව, 2025 පෙබරවාරි මාසයේදී ආඝාත තත්ත්වයකට ගොදුරු වූ ඇගේ සැමියා වන හිටපු දේශපාලනඥයා නිවසේ පිසීම් කටයුතු සිදු කරන අතර, මෑතකදී ඇයගේ ජනප්රියතාව සියයට 41 දක්වා (සියයට 10 කින්) පහත වැටී ඇති බව වාර්තා වේ.
