ඇමෙරිකාව සහ ඉරානය අතර මාස හතක් පුරා පවතින යුද්ධය නිමා කිරීම සඳහා ඉරානය සිය න්‍යෂ්ටික යුරේනියම් සෙලවීමේ ධාරිතාව (Enrichment Capacity) ප්‍රායෝගිකව අඩු කළ යුතු බව ඇමෙරිකානු උප ජනාධිපති ජේ.ඩී. වෑන්ස් මහතා රොයිටර් පුවත් සේවය සමඟ පැවැති සුවිශේෂී සම්මුඛ සාකච්ඡාවකදී ප්‍රකාශ කළේය. න්‍යෂ්ටික අවි නිපදවීමේ අදහසක් නැතිනම් ඉරානය 60%ක මට්ටමකට යුරේනියම් සෙලවීම් සිදු කරන්නේ ඇයිදැයි ඔහු ප්‍රශ්න කර සිටී. කෙසේ වෙතත්, ඉරාන උසස් නිලධාරියෙකු ප්‍රකාශ කර ඇත්තේ න්‍යෂ්ටික කටයුතු සිදුකිරීමේ අයිතිය තම රටේ ‘රතු ඉරක්’ වන බැවින් ඇමෙරිකාවේ මෙම ඉල්ලීම්වලට එකඟ විය නොහැකි බවයි.
යුද්ධයේ ආරම්භයේදීම එල්ල වූ ඇමෙරිකානු-ඊශ්‍රායල ඒකාබද්ධ ප්‍රහාරවලින් ඉරාන උත්තරීතර නායක අයතුල්ලා අලි ඛමේනි මියයාමෙන් පසු, වත්මන් ඉරාන රජය තුළ තීරණ ගන්නේ කවුරුන්ද යන්න පිළිබඳව වොෂින්ටනය තවමත් අවිශ්වාසයෙන් පසුවන බව ද වෑන්ස් මහතා හෙළි කළේය. ලෝක බලශක්ති සැපයුමට අතිශය වැදගත් වන හෝමූස් සමුද්‍ර සන්ධිය වසා දැමීමට ඉරානය ගත් පියවර හේතුවෙන් ගෝලීය තෙල් මිල ඉහළ ගොස් ඇති අතර, මෙය ඉදිරි ඇමෙරිකානු අතුරු මැතිවරණයේදී ට්‍රම්ප් පරිපාලනයට දේශපාලන බලපෑමක් එල්ල කර ඇත.
