ඇමරිකානු රජයේ නීතිඥවරියක වන ජෙනීන් පීරෝගේ (Jeanine Pirro) කාර්යාලයේ නිලධාරීන් පිරිසක් වොෂින්ටන් නුවර පිහිටි ඇමරිකානු මධ්යම බැංකු මූලස්ථානයේ ප්රතිසංස්කරණ කටයුතු සිදුවන ස්ථානයට ඊයේ (14) හදිසි පරීක්ෂාවකට පැමිණ තිබේ පූර්ව දැනුම්දීමකින් තොරව සිදුවූ මෙම පැමිණීම මධ්යම බැංකුවේ ස්වාධීනත්වයට එල්ල වූ බලපෑමක් ලෙස ආර්ථික විශේෂඥයන්ගේ දැඩි අවධානයට ලක්ව ඇත එහිදී ඔවුන් ඉදිකිරීම් කම්කරුවන් සමඟ සාකච්ඡා කර ඇති අතර පසුව ආරක්ෂක හේතූන් මත ඔවුන්ට එම ස්ථානයෙන් ඉවත් වන ලෙස උපදෙස් දී ඇති බව වාර්තා වෙයි
පොලී අනුපාත අඩු කරන ලෙස ජනාධිපති ට්රම්ප් විසින් මධ්යම බැංකු ප්රධානී ජෙරොම් පවෙල් (Jerome Powell) වෙත දිගින් දිගටම පීඩනය එල්ල කරන පසුබිමක මෙම පරීක්ෂණය සිදුවීම විශේෂත්වයකි මධ්යම බැංකු මූලස්ථානය ප්රතිසංස්කරණය කිරීමේදී සිදුවූ බව කියන යම් යම් අක්රමිකතා පිළිබඳව ඇමරිකානු අධිකරණ දෙපාර්තමේන්තුව පරීක්ෂණ පවත්වන නමුත් එය පවෙල් මහතාට පීඩනයක් එල්ල කිරීමට ගන්නා උත්සාහයක් බව බොහෝ දෙනාගේ මතයයි මධ්යම බැංකුවේ ස්වාධීනත්වය ආරක්ෂා කිරීම රටක මූල්ය ස්ථාවරත්වයට අත්යවශ්ය වන බව පෙන්වා දෙන හිටපු බලධාරීන් රජයේ මෙම මැදිහත්වීම පිළිබඳව සිය කනස්සල්ල පළ කරති
