ඇමරිකාව සහ ඉරානය අතර සාම සාකච්ඡා යළි ආරම්භ වීමේ සලකුණු පහළ වීමත් සමඟ අද (15) ආසියානු කොටස් වෙළඳපොළවල් සති හයකට පසු ඉහළම අගය වාර්තා කර තිබේ ජනාධිපති ට්රම්ප් ඉදිරි දින දෙක ඇතුළත සාකච්ඡා ආරම්භ විය හැකි බව පැවසීමත් සමඟ ආයෝජකයන්ගේ විශ්වාසය ඉහළ ගොස් ඇති අතර මේ හේතුවෙන් ජපානයේ නිකේ (Nikkei) දර්ශකය 1.2% කින් ද හොංකොං හි හෙං සෙං (Hang Seng) දර්ශකය 1.2% කින් ද ඉහළ ගොස් ඇත
බොරතෙල් මිල ඩොලර් 100 සීමාවෙන් පහළට පැමිණීම කොටස් වෙළඳපොළේ මෙම වර්ධනයට ප්රධාන හේතුව වී තිබේ බ්රෙන්ට් (Brent) වර්ගයේ බොරතෙල් මිල ඩොලර් 94.13 දක්වා පහත වැටී ඇති අතර ඇමරිකාවේ නිපදවන භාණ්ඩවල උද්ධමනය ද බලාපොරොත්තු වූවාට වඩා අඩු මට්ටමක පැවතීම වෙළඳපොළට යහපත් බලපෑමක් ඇති කර ඇත කෙසේ වෙතත් හෝමුස් සමුද්ර සන්ධියේ නාවික ගමනාගමනය තවමත් සීමා වී පවතින බැවින් මෙම ගැටුම දිග්ගැස්සුණහොත් ලෝක ආර්ථිකය දැඩි පසුබෑමකට ලක්විය හැකි බවට ජාත්යන්තර මූල්ය අරමුදල අනතුරු අඟවා තිබේ
