ශ්රී ලංකාවේ BYD සහ DENZA වාහන සඳහා බලයලත් එකම බෙදාහරින්නා වන John Keells CG Auto (JKCG Auto), රාජ්ය අංශයේ සේවකයින් අතර නව බලශක්ති වාහන (NEV) භාවිතය කඩිනම් කිරීම සඳහා ලංකා බැංකුව සහ ශ්රී ලංකා රක්ෂණ සංස්ථාව සමඟ එක්ව නව වැඩසටහනක් ආරම්භ කර ඇත. 2026 මැයි 04 වනදා සිට ජූලි 31 වනදා දක්වා ක්රියාත්මක වන මෙම වැඩසටහනේ මූලික අරමුණ වන්නේ රාජ්ය සේවකයින්ට සහනදායී ලෙස නව බලශක්ති වාහන මිලදී ගැනීමට අවස්ථාව සැලසීමයි.
මෙම සහයෝගීතාවය යටතේ JKCG Auto විසින් ඔවුන්ගේ වාහන මාදිලි සඳහා විශේෂ හඳුන්වාදීමේ මිල ගණන්, නිවසේදීම වාහනය ආරෝපණය කර ගැනීමේ (home charging) පහසුකම් සහ අලෙවියෙන් පසු සේවාවන් ලබා දීමට කටයුතු කරයි. ලංකා බැංකුව හරහා අවම ලියකියවිලි ප්රමාණයකින් විශේෂ ලීසිං පහසුකම්ද, ශ්රී ලංකා රක්ෂණ සංස්ථාව මගින් මෙම පාරිභෝගිකයින් වෙනුවෙන් විශේෂයෙන් නිර්මාණය කළ රක්ෂණ විසඳුම් ද පිරිනමනු ලබයි.
John Keells CG Auto ප්රධාන විධායක නිලධාරී චරිත් පණ්ඩිතරත්න මහතා සඳහන් කළේ නව බලශක්ති වාහන භාවිතය හරහා බලශක්ති කාර්යක්ෂමතාව ඉහළ නැංවීම සහ ඉන්ධන ආනයනය සඳහා වැයවන විදේශ විනිමය ඉතිරි කර ගැනීම රටේ ආර්ථික ස්ථාවරත්වයට අතිශයින් වැදගත් වන බවයි. මෝටර් රථ ක්ෂේත්රයේ පළපුරුද්ද, මූල්ය සේවා සහ රක්ෂණ පහසුකම් යන අංශ තුනම එකම වැඩපිළිවෙළක් යටතට ගෙන ඒම හරහා මෙරට වඩාත් පරිසර හිතකාමී ප්රවාහන පද්ධතියක් ගොඩනැගීමට මෙම වැඩසටහන උපකාරී වනු ඇත.
