ප්රකට ක්රිප්ටෝ ව්යවසායකයෙකු වන ජස්ටින් සන් (Justin Sun) විසින් ඇමෙරිකානු ජනාධිපති ඩොනල්ඩ් ට්රම්ප්ගේ අනුග්රහය ලබන World Liberty Financial ආයතනයට එරෙහිව කැලිෆෝනියා ෆෙඩරල් අධිකරණයේ නඩුවක් ගොනු කර තිබේ. WLFI ටෝකන් හිමියෙකු ලෙස තමා සතු නීත්යානුකූල අයිතිවාසිකම් ආරක්ෂා කර ගැනීම සඳහා මෙම පියවර ගත් බව ඔහු පවසයි.
ට්රොන් (Tron) ජාලයේ නිර්මාතෘවරයා වන ජස්ටින් සන්, ට්රම්ප්ගේ මෙම ක්රිප්ටෝ ව්යාපෘතියේ ප්රධාන ආයෝජකයෙකි. ඔහු චෝදනා කරන්නේ World Liberty Financial ආයතනය විසින් පෞද්ගලිකව සතු WLFI ටෝකන් අත්හිටුවීමට හෝ සීමා කිරීමට හැකි මෘදුකාංග මෙවලමක් “රහසිගතව” ක්රියාත්මක කර ඇති බවයි. මෙමඟින් ආයෝජකයන්ගේ පුද්ගලික වත්කම්වල පවතින පාලනයට හානි සිදුවන බව ජස්ටින් සන්ගේ තර්කය වී ඇත.
මෙම නීතිමය ගැටුම ක්රිප්ටෝ ක්ෂේත්රයේ සහ ඇමෙරිකානු දේශපාලන ක්ෂේත්රයේ දැඩි අවධානයට ලක්ව ඇති කරුණක් වන්නේ ජනාධිපතිවරයා සෘජුවම සම්බන්ධ ව්යාපෘතියක් මෙලෙස අධිකරණය හමුවට පැමිණීම හේතුවෙනි. මෙම නඩුව හරහා විමධ්යගත මූල්ය පද්ධති (DeFi) තුළ පවතින පාලන අයිතිය සහ විනිවිදභාවය පිළිබඳව නව කතිකාවතක් නිර්මාණය වී තිබේ.
