ගිනිඅවි 8ක්, ජීව උණ්ඩ තොගයක් සහ හෙරොයින් මත්ද්රව්ය සමඟ කඩවත, වෑබඩ ප්රදේශයේදී අත්අඩංගුවට ගත් සැකකරු, ඝාතනය වූ ඩෑන් ප්රියසාද්ගේ සහෝදරයා ඝාතනයේ ප්රධාන සැකකරු බවත් ඔහුගේ පියා ඩෑන් ප්රියසාද් ඝාතනයේ ප්රධාන සැකකරු බවත් පොලිස් විමර්ශනවලදී හෙළි වී තිබේ. බස්නාහිර උතුර අපරාධ කොට්ඨාසයට ලද තොරතුරකට අනුව කඩවත වෑබඩ ප්රදේශයේ කුලී නිවසක පදිංචිව සිටියදී මෙම සැකකරු අත්අඩංගුවට ගෙන ඇති අතර, ඔහු සතුව තිබී හෙරොයින් කිලෝග්රෑම් 2කට අධික ප්රමාණයක්, විවිධ වර්ගයේ ජීව උණ්ඩ 534ක්, මෙරට නිෂ්පාදිත ගිනිඅවි 8ක් සහ අත් මාංචු යුගල දෙකක් සොයාගෙන ඇත.
විදෙස්ගතව සැඟව සිටින අපරාධකරුවෙකුගේ උපදෙස් මත මෙම අවි සහ මත්ද්රව්ය තමන් සතුව තබාගෙන විවිධ පුද්ගලයන්ට ලබාදුන් බව සැකකරු ප්රකාශ කර ඇති අතර, ඔහු අදාළ අපරාධකරුගේ මත්ද්රව්ය හා ගිනිඅවි ප්රවාහනය කරන ප්රධාන පුද්ගලයා බවටද පොලීසිය තොරතුරු අනාවරණය කර ගෙන තිබේ.
