කඩුවෙල මහනගර සභා බල ප්රදේශයේ මාර්ග අසල ගොඩගැසී ඇති කැළි කසළ කඩිනමින් ඉවත් කිරීමට අවශ්ය සියලු ක්රියාමාර්ග ගනිමින් සිටින බව කඩුවෙල නගරාධිපති රන්ජන් ජයලාල් මහතා පවසයි. කසළ රැගෙන යාම සඳහා සති තුනක පමණ කාලයකින් මහ නගර සභාවේ ලොරි නොපැමිණි බවට ප්රදේශවාසීන් නගන චෝදනාවලට පිළිතුරු දෙමින් නගරාධිපතිවරයා මේ බව ප්රකාශ කළේය.
දැනට පවතින වැසි සහිත කාලගුණයත් සමඟ කොළඹ දිස්ත්රික්කය පුරා ඩෙංගු රෝගය ශීඝ්රයෙන් ව්යාප්ත වෙමින් පවතින පසුබිමක, මෙලෙස කසළ කළමනාකරණය අඩපණ වීම දැඩි අවදානම් තත්ත්වයක් බව සෞඛ්ය බලධාරීහු පෙන්වා දෙති. තමන්ගේ ගෙවතු පිරිසිදු කරගත්ත ද, මහා පරිමාණයෙන් මාර්ග අසල එකතු වන කුණු ඉවත් කිරීමේ වගකීම පළාත් පාලන ආයතන සතු බැවින්, පවතින සෞඛ්ය අවදානම සලකා මෙම කසළ කන්දරාව වහාම ඉවත් කර දෙන ලෙස ජනතාව නගර සභාවෙන් ඉල්ලා සිටිති.
