ව්යාජ මුදල් නෝට්ටු මුද්රණය කර බෙදාහැරීමේ නිරත වූ සංවිධානාත්මක අපරාධ කල්ලියක සාමාජිකයින් හය දෙනෙකු අත්අඩංගුවට ගැනීමට ගල්කිස්ස කොට්ඨාස අපරාධ විමර්ශන කාර්යාංශය සමත් වී තිබේ. අත්අඩංගුවට ගත් පිරිස අතර ‘කස්සා’ යන අනුවර්තන නාමයෙන් හඳුන්වන තෙල්ගේ කසුන් ධනුෂ්ක පීරිස් නමැති සංවිධානාත්මක අපරාධ කල්ලි සාමාජිකයා ද සිටින බව පොලිසිය තහවුරු කරයි.
සැකකරුවන් සන්තකයේ තිබී රුපියල් ලක්ෂ 10ක් පමණ වටිනා අයිස් මත්ද්රව්ය ග්රෑම් 91කට අධික ප්රමාණයක් සහ ව්යාජ ලෙස මුද්රණය කරන ලද රුපියල් 5000 සහ 2000 නෝට්ටු තොගයක් පොලිස් භාරයට ගෙන ඇත. මෙම ජාවාරමේ ප්රධාන මෙහෙයවන්නා පිළිබඳව ද මේ වන විට තොරතුරු අනාවරණය වී ඇති අතර ඔහු අත්අඩංගුවට ගැනීම සඳහා විශේෂ මෙහෙයුම් ක්රියාත්මකයි.
සයිබර් මූල්ය වංචා සහ ව්යාජ ලේඛන භාවිත කරමින් සිදුකරන අපරාධ ඉහළ ගොස් ඇති පසුබිමක, මෙවැනි සංවිධානාත්මක ජාවාරම්කරුවන් කොටු කර ගැනීම රටේ මූල්ය ආරක්ෂාව සම්බන්ධයෙන් වැදගත් පියවරකි. අත්අඩංගුවට ගත් සැකකරුවන් සම්බන්ධයෙන් ගල්කිස්ස පොලිසිය වැඩිදුර විමර්ශන සිදුකරනු ලබයි.
