ජනරාල් සර් ජෝන් කොතලාවල ආරක්ෂක විශ්වවිද්යාලය (KDU) මඟින් වාර්ෂිකව සංවිධානය කරනු ලබන “19 වන ජාත්යන්තර පර්යේෂණ සමුළුව” (19th International Research Conference) මෙවර විෂය පථයන් 13ක් ඔස්සේ බහු විෂයික පර්යේෂණ සමුළුවක් (Multidisciplinary Research Conference) ලෙස ඉතා උසස් අන්දමින් පැවැත්වීමට කටයුතු සූදානම් කර ඇති බව එම විශ්වවිද්යාලයේ උපකුලපති රියර් අද්මිරාල් එච්. ජී. යූ. ධම්මික කුමාර මහතා ප්රකාශ කළේය. රජයේ ප්රවෘත්ති දෙපාර්තමේන්තු ශ්රවණාගාරයේදී අද (20) පැවැති විශේෂ මාධ්ය හමුවකට එක්වෙමින් උපකුලපතිවරයා මේ බව සඳහන් කළේය.
ඒ අනුව, මෙවර 19 වන ජාත්යන්තර පර්යේෂණ සමුළුව එළඹෙන 2026 අගෝස්තු මස 20 සහ 21 යන දෙදින පුරා රත්මලාන කොතලාවල ආරක්ෂක විශ්වවිද්යාලයීය පරිශ්රයේදී පැවැත්වීමට නියමිතය. වර්තමානය වන විට සමස්ත ලෝකයම දේශගුණික, කාලගුණික, පාරිසරික මෙන්ම ආර්ථික වශයෙන් විවිධාකාර වූ බරපතළ අභියෝග හා ගැටලුවලට මුහුණ පා සිටින බව පෙන්වා දුන් උපකුලපතිවරයා, එම ගෝලීය ගැටලුවලට සාර්ථකව මුහුණ දීම සඳහා අවශ්ය නව්ය විද්යාත්මක විසඳුම් හා නිර්දේශ ඉදිරිපත් කිරීම මෙම සමුළුවේ මූලික අරමුණක් බව අවධාරණය කළේය.
