උතුරු කොරියානු නායක කිම් ජොන් උන් මහතා සහ චීන ජනාධිපති ෂී ජින්පිං මහතා අතර විශේෂ හමුවක් පියොන්ග්යැං (Pyongyang) නුවරදී සිදුව තිබේ. ඊයේ (08) රාත්රියේ පියොන්ග්යැං හිදී චීන ජනාධිපතිවරයා වෙනුවෙන් උතුරු කොරියානු නායකයා විසින් පිළිගැනීමේ භෝජන සංග්රහයක් සංවිධානය කර තිබිණි.
කිම් ජොන් උන් මහතා සහ ඔහුගේ ආර්යාව රි සොල් ජු මහත්මිය විසින් චීන ජනාධිපති ෂී ජින්පිං මහතා සහ එරට ජනාධිපති ආර්යාව වන පෙන්ග් ලියුවාන් මහත්මියව උණුසුම් ලෙස පිළිගනු ලැබූහ.
ජාත්යන්තර දේශපාලන විශ්ලේෂකයින් පෙන්වා දෙන්නේ, මෙම හමුව මගින් ඇමරිකානු බලපෑම්වලට එරෙහිව චීනය සහ උතුරු කොරියාව අතර පවතින සබඳතා ශක්තිමත් කිරීමක් පෙන්නුම් කරන බවයි. දෙරටේ නායකයින් අතර සිදුවූ මෙම සාකච්ඡා සම්බන්ධයෙන් වැඩිදුර තොරතුරු මෙතෙක් අනාවරණය වී නොමැති නමුත්, කලාපීය ආරක්ෂාව සහ භූ-දේශපාලනික කරුණු සම්බන්ධයෙන් මෙහිදී විශේෂ අවධානයක් යොමු වන්නට ඇතැයි සැලකේ.
