අමෙරිකා එක්සත් ජනපදයේ 250 වන නිදහස් සංවත්සරය සැමරීම වෙනුවෙන් බ්රිතාන්යයේ තුන්වන චාල්ස් රජු සහ කැමිලා රැජින ඊයේ (27) වයිට් හවුස් (White House) වෙත පැමිණියහ. ඉරාන යුද්ධය සම්බන්ධයෙන් අමෙරිකානු ජනාධිපති ඩොනල්ඩ් ට්රම්ප් සහ බ්රිතාන්ය අගමැති කියර් ස්ටාර්මර් අතර පවතින මතභේදාත්මක තත්ත්වය හමුවේ දෙරටේ “සුවිශේෂී සබඳතාව” පිළිබඳව ජාත්යන්තර අවධානය යොමු වී ඇති මොහොතක මෙම සංචාරය සිදුවීම විශේෂත්වයකි. ජනාධිපති ඩොනල්ඩ් ට්රම්ප් සහ මෙලානියා ට්රම්ප් මහත්මිය විසින් රජ යුවළ උණුසුම් ලෙස පිළිගනු ලැබූ අතර, අනතුරුව ඔවුහු සුහද සාකච්ඡාවක නිරත වූහ.
පාරිසරික සහ තිරසාර කටයුතුවලට ලැදි රජ යුවළගේ රුචිකත්වය වෙනුවෙන් මෙලානියා ට්රම්ප් මහත්මිය විසින් වයිට් හවුස් පරිශ්රයේ අලුතින් ස්ථාපනය කරන ලද මී වද නැරඹීමට ද ඔවුහු එක්වූහ. චාල්ස් රජු සිය පෞද්ගලික නිවසේ ද මී වද නඩත්තු කරමින් මී මැසි පාලනයට සිය සහයෝගය ලබා දෙන්නෙකි. මෙම රාජ්ය සංචාරය දින හතරක් පුරා පැවැත්වෙන අතර, එහි පළමු දින වැඩසටහන් අවසානයේ රජ යුවළ බ්රිතාන්ය තානාපති කාර්යාලයේ පැවති උත්සවයකට ද සහභාගී වූහ. දෙරට අතර පවතින දේශපාලන නොසන්සුන්තා මධ්යයේ වුවද, මෙම සංචාරය ඓතිහාසික සබඳතා තවදුරටත් තහවුරු කිරීමට ඉවහල් වනු ඇතැයි විශ්වාස කෙරේ.
