රුපියල් ලක්ෂ 30ක මුදලක් අල්ලස් වශයෙන් ලබාගන්නා අවස්ථාවේදී අත්අඩංගුවට ගත් කුරුණෑගල මහ නගර සභාවේ නියෝජ්ය නගරාධිපති අෂාර්ඩීන් මොයුනුදීන් මහතා අද (09) අලුත්කඩේ මහේස්ත්රාත් අධිකරණයට ඉදිරිපත් කිරීමට නියමිතය.
අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් කණ්ඩායමක් විසින් සිදුකළ වැටලීමකදී සැකකරු අත්අඩංගුවට ගනු ලැබුවේ ව්යාපාරික කටයුත්තකට අදාළව බලපත්රයක් ලබාදීම සඳහා රුපියල් ලක්ෂ 30ක මුදලක් අල්ලස් ලෙස ලබාගැනීමට උත්සාහ කිරීමේදීය. මෙම සිද්ධිය සම්බන්ධයෙන් අල්ලස් කොමිසම වැඩිදුර විමර්ශන සිදුකරන අතර සැකකාර නියෝජ්ය නගරාධිපතිවරයා අධිකරණයට ඉදිරිපත් කිරීමෙන් පසු මහේස්ත්රාත්වරයා විසින් ලබාදෙන නියෝගය පිළිබඳව දේශපාලන ක්ෂේත්රයේ දැඩි අවධානයක් යොමුව තිබේ.
