ශ්‍රී ලංකා නිදහස් පක්ෂයේ නායකයින් අවස්ථාවාදීන් බව පාර්ලිමේන්තු මන්ත්‍රී කුමාර වෙල්ගම මහතා පවසයි.
නිදහස් පක්ෂය යන ගමන් මාර්ගය නිවැරදි නොවන බවත් සිටින නායකයින් තමන්ට බලය ගන්න තනතුරු ගැනීම මිසක් පක්ෂය ගැන නොසිතන බව හෙතෙම පැවසිය. ශ්‍රී ලංකා නිදහස් පක්සයේ නම විකුණා අදාල තනතුරු ලබා ගැනීමට තමයි ඇතැම් පිරිස් කටයුතු කරන බව වෙල්ගම මහතා වැඩිදුරටත් කියා සිටියේය.
ඒ මහතා අද (08) දිවංගත හිටපු අග්‍රාමාත්‍යවරයෙකු වන එස්.ඩබ්ලිව්.ආර්.ඩී. බණ්ඩාරනායකගේ 122 වන ජන්ම දිනය වෙනුවෙන් සැමරුම් උත්සවයට ගිය අවස්ථාවේදීය.
එහි සැමරුම් උත්සව දෙකක් පැවැතිණි. පළමුව හිටපු ජනාධිපතිනී චන්ද්‍රිකා බණ්ඩාරනායක කුමාරණතුංග සහ සුනේත්‍රා බණ්ඩාරනායක ප්‍රතිමාවට පුෂ්පෝපහාර දැක්වූ උත්සවය ද අනතුරුව ශ්‍රී ලංකා නිදහස් පක්ෂයේ සභාපති හිටපු ජනාධිපති මෛත්‍රීපාල සිරිසේන ඇතුළු පක්ෂයේ ජ්‍යෙෂ්ඨයින් පිරිසක් බණ්ඩාරනායක ප්‍රතිමාවට මල් මාලයක් පළදවා පුෂ්පෝපහාර දක්වා තිබේ.
එහිදී මාධ්‍ය වෙත අදහස් දැක් වු හිටපු ජනාධිපතිනිය චන්ද්‍රිකා බණ්ඩාරනායක මහත්මිය කියා සිටියේ හිටපු ජනාධිපති මෛත්‍රිපාල සිරිසේන මහතා නිදහස් පක්ෂය විකුණා අවසන් බවයි.
