ලෙබනනය මුහුණ දී සිටින දේශපාලන හා යුදමය අර්බුදයට විසඳුම් සෙවීම සඳහා අත්සන් කරන ලද නව ගිවිසුම පිළිබඳව අදහස් දක්වමින් ලෙබනන් ජනාධිපති ජෝසෆ් අවුන් (Joseph Aoun) ලෝකයම කැළඹූ විශේෂ ප්රකාශයක් සිදුකර තිබේ. මෙම ඓතිහාසික පියවර සඳහා මැදිහත් වූ ඇමරිකානු ජනාධිපති ඩොනල්ඩ් ට්රම්ප් මහතාට සහ ඇමරිකා එක්සත් ජනපදයට තමන් විශේෂ ස්තූතිය පිරිනමන බව ජනාධිපතිවරයා මෙහිදී සඳහන් කළේය.
ලෙබනන් දේශසීමාවේ සෑම අඟලක්ම සතුරු ග්රහණයෙන් නිදහස් කරගන්නා තෙක් තම රජය නොනවත්වා ක්රියා කරන බව අවධාරණය කළ ජනාධිපති අවුන්, මින් ඉදිරියට ලෙබනනය තුළ කිසිදු විදේශීය ආක්රමණයකට, සිරකරුවන් රඳවා තබා ගැනීමකට හෝ වෙනත් රටක යටත් විජිතයක් වීමට ඉඩ නොදෙන බව දැඩිව කියා සිටියේය. විශේෂයෙන්ම, ලෙබනන් භූමිය තවදුරටත් ඉරානයේ හෝ හෙස්බුල්ලා (Hezbollah) සංවිධානයේ වුවමනාවන් වෙනුවෙන් ලේ වැගිරෙන යුද පිටියක් වීමට ඉඩ නොතබන බවත්, රටේ ස්වාධීනත්වය උපරිමයෙන් සුරකින බවත් ලෙබනන් ජනාධිපතිවරයා වැඩිදුරටත් අවධාරණය කර ඇත.
