මහනුවර ප්රකට සමාජ සේවකයෙකු, ලේඛකයෙකු මෙන්ම කවියෙකු ද වූ, මහනුවර නගරයේ බෞද්ධ සංවිධාන රැසක විවිධ නිලතල හෙබවූ හිටපු මාධ්යවේදී එල්. එච්. හරීස්චන්ද්ර මහතා (78) එංගලන්තයේදී අභාවප්රාප්ත වී තිබේ.
ඒ මහතා මහනුවර ‘එල්. එච්. හරීස්චන්ද්ර ඒජන්සීස්’ ආයතනයේ කළමනාකාර අධ්යක්ෂවරයා ලෙස කටයුතු කළ අතර දිවයින, ලංකාදීප, සිරිකත, දිනමිණ, ඉරිදා ලංකාදීප, සන්ඩේ ටයිම්ස් සහ ඩේලි මිරර් ඇතුළු ලංකාවේ ප්රමුඛ පෙළේ පුවත්පත් රැසක මහනුවර ප්රධාන අලෙවි නියෝජිතයා ලෙස ද කටයුතු කළේය. විශේෂයෙන්ම ලංකාදීප පුවත්පත ආරම්භයේ සිටම එහි මහනුවර ප්රධාන අලෙවි නියෝජිතයා ලෙස කටයුතු කළේ ද ඒ මහතාය.
මහනුවර සිංහල වෙළෙඳ පෙරමුණ සහ මහනුවර සෙංකඩගල එක්සත් බෞද්ධ සංගමය ඇතුළු බෞද්ධ හා සමාජයීය සංවිධාන රැසක ප්රබල සාමාජිකයෙකු වූ හරීස්චන්ද්ර මහතා දෙදරු පියෙකි. ඒ මහතාගේ අවසන් කටයුතු එංගලන්තයේදීම සිදු කිරීමට නියමිත බව පවුලේ ඥාතීන් පවසති.
