ශ‍්‍රී ලංකාවේ ජාතික ජංගම දුරකථන ජාලය වන Mobitel සමාගම පෙර නුවූ විරූ ඩිජිටල් තාක්ෂණික පදනමක් ඇති LocoMole Srilanka හදුන්වා දීම සඳහා මෑතක දී LDR Technologies සමග එක් විය. එම අවස්ථාවට සංචාරක සංවර්ධන අමාත්‍ය ජොන් අමරතුංග මහතා ද අද (03) දිනයේදී එක් විය.
Mobitel Xstatiion Hub හි දී දියත් කරන ලද සංචාරක ව්‍යාපාරය හා ස්ථානය පදනම් කර ගත් සේවාවන් සඳහා වෙන් කෙරුණු මෙම LocoMole Srilanka එක ආරම්භයේ දී සේවාවන් සම්පාදනය කරන්නේ අනුරාධපුරය, සීගිරිය, කොළඹ, පොළොන්නරුව හා දඹුල්ල යන ප‍්‍රදේශවලට ආශ‍්‍රීතවයි. LocoMole Srilanka ඵක තමන්ගේ සංචාර අත්දැකීම වැඩි දියුණු කරන ස්ථානය පදනම් කර ගත් ජංගම තාක්ෂණික සේවාවන් ලබා ගත හැකි ය.
පරිශීලකයන්ගේ අන්තර්ජාලීය සෙවුම් අවශ්‍යතා කලට වේලාවටත් අදාළ වන පරිදිත් තමන්ගේ පෞද්ගලික අවශ්‍යතා අනුවත් සපුරා ගැනීම සඳහා උදව් කිරීමට LocoMole Srilanka එකට හැකියාව ඇත. විශිෂ්ට සෙවුම් මෘදුකාංග යෙදුමක් (app)වන එය අමුත්තන්ගේ සංචාර අත්දැකීම පුළුල් කරන අතර ඒ ඒ පරිශීලකයාට තමන් කැමති ආකාරයකට පරිගණක ක‍්‍රීඩාවක ස්වරූපයෙන් තොරතුරු ලබා ගැනීමට ඉඩ සලසා දෙමින් සහ ත්‍යාග හා ජයග‍්‍රහණයන් ලබා දෙමින් සන්නාමය පිළිබඳව ඔවුන් තුළ ළැදිකමක් ඇති කිරීමට උදව් කරයි. මේ සඳහා මුල පීරිම සහ මගපෙන්වීම සංචාරක සංවර්ධන අමාත්‍යංශය මැදිහත් වීම යටතේ පෞද්ගලික අංශය මගින් ඩිජිටල් සංචාර අත්දැකීමේ අගය වැඩිකිරීමටත් ශ‍්‍රී ලංකාවේ සංචාර ව්‍යාපාරය නාග සිටුවීම සඳහා සිදුකරන ලදී. මෙය පාරිභෝගිකයන්ට ඔවුන්ගේ ජීවන රටාවන් වැඩි දියුණු කර ගැනීමට අවස්ථාව සලසා දීමට නවතම තාක්ෂණය සම්පාදනය කළ හැකි තාක්ෂණික වේදිකාවන් සොයා යමින් ප‍්‍රමුඛ ජංගම සේවා සම්පාදකයන් සමග හවුල්කාරිත්වයන් ඇති කර ගැනීමට Mobitel සමාගම කැප වී සිටින බවට තවත් උදාහරණයකි.
එළඹෙන 10 වසර තුළ දී ඩිජිටල් සංචාර අවකාශය ලෝක පරිමාණව 3.8%ක වාර්ෂික අනුපාතියකින් පුළුල් වී ඇ:ඩො: ටි‍්‍රලියන 11.4ක් දක්වා ළඟා වනු ඇතැයි සංචාර ව්‍යාපාරයේ විශේෂඥයන් අනාවැකි පළ කරන බව Nielsen විසින් නිකුත් කරන ලද වාර්තාවක සඳහන් වේ. සංචාර කලාව පරිවර්තනයකට ලක් වෙමින් පවත්නා බව අපි දනිමු. සංචාරකයන්ට ඒ ඒ සංචාරක ස්ථාන පියවරෙන් පියවර අනාවරණය කර ගැනීමටත් තමන්ගේ ස්මාට් දුරකථන හරහා තමන්ගේ දැනුම අනෙක් අය සමග ක්ෂණිකව බෙදාහදා ගැනීමට හෝ ක‍්‍රීඩාවක ස්වරූපයෙන් සංචාරක ස්ථාන ගවේෂණය කිරීමටත් ත්‍යාග ලකුණු ලබා ගැනීමටත් යනාදි වශයෙන් විවිධ හැකියාවන් ලැබෙන නිසා LocoMole Srilanka මගින් චාරිකාව ගවේෂණ චාරිකාවකට වැඩි යමක් බවට පත් වනු ඇත. LocoMole Srilanka මෘදුකාංග යෙදුමේ සේවාවන් තමන්ගේ පෞද්ගලික අවශ්‍යතා සැපිරෙන පරිදි ලබා ගත හැකි නිසා පරිශීලකයන්ට තමන් සොයන සංචාරක ස්ථාන වඩාත් හොඳින් ගවේෂණය කිරීමටත් තමන්ගේ චාරිකාව වික‍්‍රමාන්විත චාරිකාවක් බවට පත් කර ගැනීමටත් අවස්ථාව ලැබෙනු ඇත.
