තාක්ෂණික අඩුපාඩු සහිත දුම්රිය ධාවනය කිරීමෙන් ලොකොමොටිව් රියදුරන් ඉවත් වන බව ලොකොමොටිව් ඔපරේටින් ඉංජිනේරු සංගමය (Locomotive Operating Engineers’ Union) නිවේදනය කරයි. මෙරට දුම්රිය පද්ධතියේ පවතින දුර්වලතා සහ ආරක්ෂිත නොවන තත්ත්වයන් මත මෙම තීරණය ගත් බව එහි කැඳවුම්කරු ඉන්දික දොඩංගොඩ මහතා සඳහන් කළේය. මේ සමඟම ඊයේ සිට දුම්රිය ධාවනය කිරීමේදී පනවා ඇති වේග සීමාවන් ද අකුරටම පිළිපැදීමට රියදුරන් පියවර ගෙන ඇති අතර එම හේතුවෙන් ඉදිරි දිනවලදී දුම්රිය ගමන්වාර ප්රමාදයන් සිදුවිය හැකි බවට ඔහු අනතුරු ඇඟවීය. මීට අමතරව සාගරිකා දුම්රිය සම්බන්ධයෙන් පවතින ගැටලු නිරාකරණය කරමින් අද සිට එම දුම්රිය නියමිත කාලසටහනට අනුව ධාවනය කෙරෙන බව දුම්රිය දෙපාර්තමේන්තුව වැඩිදුරටත් තහවුරු කළේය.
