දිවයිනට බලපෑ සුළි කුණාටුව හේතුවෙන් අර්ධ හානි වූ නිවාස සඳහා රජය විසින් ලබාදෙන රුපියල් ලක්ෂ 05ක මුදල් ආධාරයේ පළමු අදියරේ රුපියල් ලක්ෂ 03ක මුදල මහියංගණය කොට්ඨාසයේ පවුල් 531ක් සඳහා බෙදාදීම පසුගියදා (30) මහියංගණය ප්රාදේශීය ලේකම් කාර්යාලීය ශ්රවණාගාරයේදී සිදු කෙරිණි.
මෙම වන්දි ප්රදානය වැවිලි හා යටිතල පහසුකම් අමාත්ය සමන්ත විද්යාරත්න මහතාගේ ප්රධානත්වයෙන් සිදු විය.
මහියංගණය ප්රාදේශීය ලේකම් විමංස සෙනෙවිරත්න මහතාගේ මඟපෙන්වීම යටතේ ප්රාදේශීය ලේකම් කාර්යාලයේ කාර්ය මණ්ඩලයේ සහයෝගය මත මෙම කටයුතු කඩිනමින් සිදු කෙරිණි.
මෙම අවස්ථාවට බදුල්ල දිස්ත්රික් පාර්ලිමේන්තු මන්ත්රී සුදත් බලගල්ල සහ මහියංගණය ප්රාදේශීය සභා සභාපතිනි නීතිඥ උපේක්ෂා විජේතුංග යන මහත්ම මහත්මීන් ඇතුළු පිරිසක් එක්ව සිටියහ.
