රටේ පවතින ගැටලු යටපත් කිරීමට ජනාධිපතිවරයා ජනතා විමුක්ති පෙරමුණේ වේදිකාවේ සිට නඩු තීන්දු ප්රකාශ කිරීම සම්පූර්ණයෙන්ම ප්රතික්ෂේප කරන බව ශ්රී ලංකා පොදුජන පෙරමුණේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ මහතා පැවසීය.
කළුතර ප්රදේශයේදී මාධ්ය අමතමින් මන්ත්රීවරයා මේ බව සඳහන් කළ අතර ඔහු විසින් ඉදිරිපත් කරන ලද ප්රධාන කරුණු කිහිපයක් පහත පරිදි වේ.
මැතිවරණ සමයේදී දුන් පොරොන්දු ඉටු කිරීමට නොහැකිවීම නිසා ජනාධිපතිවරයා මැයි රැලිවලදී පොහොට්ටුවට සහ රාජපක්ෂවරුන්ට චෝدනා කරන බවත් ආර්ථිකය ගොඩනැඟීම පිළිබඳව කතා නොකරන බවත් මන්ත්රීවරයා පෙන්වා දුන්නේය.
ශ්රී ලංකා අධිකරණ පද්ධතිය කෙරෙහි තවමත් විශ්වාසය තබන බවත් ජනාධිපතිවරයා දේශපාලන වේදිකාවලින් නඩු තීන්දු දුන්නද ගරු විනිශ්චයකාරවරුන් ඒ පිළිබඳව සැලකිලිමත් වනු ඇතැයි බලාපොරොත්තු වන බවත් පැවසීය.
අල්ලස් කොමිසමෙන් හිටපු ජනාධිපති මහින්ද රාජපක්ෂ මහතාට ලැබී ඇතැයි කියන කැඳවීම සම්බන්ධයෙන් අදහස් දක්වමින් බලහත්කාරයෙන් ලබාගත් කටඋත්තරයක් මත එය සිදු කර ඇතත් ඕනෑම අභියෝගයකට මුහුණ දීමට සූදානම් බව අවධාරණය කළේය.
