වෙළඳපොළේ පවතින බොහෝ AI නියෝජිතයන් (AI agents) සාමාන්ය පරිශීලකයන්ට භාවිතා කිරීමට අපහසු සහ සංකීර්ණ මට්ටමක පවතින බව Meta සමාගමේ ප්රධාන විධායක නිලධාරී මාක් සකර්බර්ග් පවසයි. මේ හේතුවෙන් එම පද්ධති “මවගේ පරීක්ෂණයෙන්” (mother test) අසමත් වන බව ඔහු පෙන්වා දෙයි.
වෙළඳපොළේ AI නියෝජිතයන් රැසක් තිබුණද, තමන්ගේ මවට නිර්දේශ කළ හැකි මට්ටමේ සරල පද්ධති ඇත්තේ ඉතා අල්ප ප්රමාණයක් බව සකර්බර්ග් සඳහන් කළේය. උදාහරණයක් ලෙස “OpenClaw” පද්ධතිය භාවිතා කිරීමට නම් එය පරිගණකයක ස්ථාපනය කර තාක්ෂණික සැකසුම් (system settings) සිදු කළ යුතු බව ඔහු පෙන්වා දුන්නේය. මෙවැනි සංකීර්ණ ක්රියාවලීන් සිදු කළ හැක්කේ ලොව පුරා සිටින මිලියන කිහිපයක සීමිත පිරිසකට පමණක් බව ඔහුගේ අදහසයි.
Meta සමාගම අවධානය යොමු කරන්නේ කිසිදු බාධාවකින් තොරව සෘජුවම ක්රියාත්මක කළ හැකි (just work) AI පද්ධති නිර්මාණය කිරීමටයි. නිශ්චිත කාලසටහනකට අනුව නිෂ්පාදන එළිදැක්වීමට වඩා, පවුලේ සාමාජිකයෙකුට වුවද නිර්දේශ කළ හැකි තරමට ඒවා සරල මට්ටමකට ගෙන ඒම වඩා වැදගත් බව ඔහු අවධාරණය කළේය.
කේතකරණය සඳහා සහාය වන AI නියෝජිතයන් නිර්මාණය කිරීමට තමන් විරුද්ධ නොවන නමුත්, එය Meta සමාගමේ ප්රධාන ප්රමුඛතාවක් නොවන බව සකර්බර්ග් මෙහිදී පැවසීය. කේතකරණය යනු AI මාදිලි ස්වයං-වැඩිදියුණු වීමේ (self-improvement) එක් අංගයක් පමණක් වන බව ද ඔහු වැඩිදුරටත් සඳහන් කළේය.
