මාතර ප්රදේශයේ සුපිරි වෙළඳසැලක් විසින් රජය නියම කර ඇති උපරිම සිල්ලර මිල (MRP) ඉක්මවා බෝතල් කළ ජලය විකිණීම හේතුවෙන් මාතර මහේස්ත්රාත් අධිකරණය ඊයේ (29) රුපියල් 100,000ක දඩයක් නියම කළේය.
පාරිභෝගික කටයුතු පිළිබඳ අධිකාරිය (CAA) සඳහන් කරන පරිදි, ලීටර් 1ක වතුර බෝතලයක් සඳහා නියමිත උපරිම මිල රුපියල් 100ක් වුවද, මෙම වෙළඳසැල එය වැඩි මිලකට අලෙවි කරමින් මිල පාලන රෙගුලාසි උල්ලංඝනය කර තිබේ. මාතර දිස්ත්රික් පාරිභෝගික අධිකාරි නිලධාරීන් විසින් සිදුකළ වැටලීමකින් පසු මෙම නඩුව අධිකරණයට ඉදිරිපත් කළ අතර, එහිදී වෙළඳසැල් හිමිකරු වරද පිළිගැනීමෙන් පසු මෙම දඩය නියම විය.
ඕනෑම භාණ්ඩයක් මිලදී ගැනීමට පෙර එහි සඳහන් උපරිම සිල්ලර මිල සහ කල් ඉකුත්වීමේ දිනය පරීක්ෂා කරන ලෙසත්, නියමිත මිලට වඩා වැඩිපුර ගෙවීමෙන් වළකින ලෙසත් පාරිභෝගික අධිකාරිය මහජනතාවගෙන් ඉල්ලා සිටියි. මෙවැනි මිල උල්ලංඝනය කිරීම් පවතින්නේ නම් බිල්පත් වැනි සාක්ෂි සහිතව 1977 ක්ෂණික ඇමතුම් අංකය වෙත දැනුම් දෙන ලෙස ද දන්වා සිටී.
