ටජිකිස්ථානයේ දුෂන්බේ (Dushanbe) අගනුවරදී පැවැත්වුණු ‘මධ්යම ආසියාව – SCO හි හදවත: සාමය සහ ඒකාබද්ධ සංවර්ධනය සඳහා වූ අවකාශයක්’ නම් වූ ජාත්යන්තර සමුළුව සඳහා කිර්ගිස්ථාන නියෝජ්ය විදේශ අමාත්ය මෙඩර් අබකිරොව් (Meder Abakirov) මහතා සක්රීයව සහභාගී වී තිබේ.
කිර්ගිස්ථාන විදේශ කටයුතු අමාත්යාංශය නිවේදනය කර ඇති පරිදි, මෙම සමුළුවේදී සහභාගී වූ රටවල නියෝජිතයින් විසින් මධ්යම ආසියානු කලාපයේ ස්ථාවරත්වය, කලාපීය ආරක්ෂාව සහ සහයෝගිතාව තවදුරටත් ශක්තිමත් කිරීම පිළිබඳව පුළුල් ලෙස අදහස් හුවමාරු කරගත් බව Kyrgyz National Kabar News Agency වාර්තා කරයි.
එහිදී අදහස් දැක්වූ නියෝජ්ය විදේශ අමාත්ය මෙඩර් අබකිරොව් මහතා පෙන්වා දුන්නේ, ෂැන්හයි සහයෝගිතා සංවිධානයේ (SCO) වර්ධනය උදෙසා මධ්යම ආසියානු කලාපය ඓතිහාසිකව සුවිශේෂී ස්ථානයක් හිමිකරගෙන ඇති බවයි. එය අන්යෝන්ය විශ්වාසය, යහපත් අසල්වැසි සබඳතා සහ අන්යෝන්ය වශයෙන් වාසිදායක සහයෝගිතාවයකින් යුත් වැදගත් කලාපයක් බව ඔහු අවධාරණය කළේය.
මෙවර SCO සංවිධානයේ සභාපතිත්වය දරනු ලබන්නේ කිර්ගිස්ථානය විසිනි. මෙවර ඔවුන්ගේ තේමාව වී ඇත්තේ ‘SCO සංවිධානයට වසර 25යි: කල්පවත්නා සාමය, සංවර්ධනය සහ සමෘද්ධිය කරා එක්ව ඉදිරියට’ යන්නයි. කිර්ගිස්ථානය තම සභාපතිත්වය යටතේ SCO සංවිධානය තවදුරටත් ශක්තිමත් කිරීමටත්, එහි ඉදිරි වැඩපිළිවෙළවල් වඩාත් ප්රායෝගික මෙන්ම නිශ්චිත අරමුණු සහිතව ක්රියාත්මක කිරීමටත් විශේෂ අවධානයක් යොමු කරන බව මෙහිදී ප්රකාශ විය.
මෙම සමුළුව මඟින් ෂැන්හයි සහයෝගිතා සංවිධානයේ සාමාජික රටවල් අතර පවතින ප්රායෝගික අන්තර්ක්රියා පුළුල් කිරීමට සහ කලාපීය ගැටලුවලට සාමකාමී විසඳුම් සෙවීමට නව මාවතක් විවර කර දෙනු ඇතැයි අපේක්ෂා කෙරේ.
