ධවල මන්දිර මාධ්යවේදීන්ගේ රාත්රී භෝජන සංග්රහයට (WHCD) දින කිහිපයකට පෙර ප්රකට රූපවාහිනී නිවේදක ජිමී කිමෙල් විසින් තමන්ව “වැන්දඹුවක් වීමට බලාපොරොත්තුවෙන් සිටින තැනැත්තියක්” ලෙස හැඳින්වීම පිළිබඳව ප්රථම කාන්තාව වන මෙලානියා ට්රම්ප් සිය දැඩි විරෝධය පළ කර තිබේ. මෙම ප්රකාශය සිදුකර දින කිහිපයකට පසු එම උත්සවය අතරතුර ජනාධිපති ට්රම්ප් ඉලක්ක කරගනිමින් වෙඩි තැබීමේ සිදුවීමක් ද වාර්තා වූ අතර මෙලානියා පවසන්නේ කිමෙල්ගේ වදන් “වෛරී සහ ප්රචණ්ඩකාරී” ඒවා බවයි. සිය පවුල ඉලක්ක කරගනිමින් සිදුකරන මෙවැනි ප්රකාශ හාස්යය නොවන බවත් ඇමරිකාව තුළ පවතින දේශපාලන අසහනය තවදුරටත් වර්ධනය කිරීමට මෙවැනි වදන් හේතුවන බවත් ඇය අවධාරණය කරයි.
මෙම සිදුවීම සම්බන්ධයෙන් ජනාධිපති ඩොනල්ඩ් ට්රම්ප් ද සිය අදහස් පළ කර ඇති අතර ඔහු පවසන්නේ කිමෙල්ගේ ප්රකාශය ප්රචණ්ඩත්වයට කළ ඇරයුමක් බවයි. ජිමී කිමෙල් වහාම සේවයෙන් ඉවත් කිරීමට ABC සහ ඩිස්නි (Disney) ආයතන පියවර ගත යුතු බව ජනාධිපතිවරයා වැඩිදුරටත් කියා සිටී. වෙඩි තැබීමේ සිදුවීම සම්බන්ධයෙන් සැකකාර 31 හැවිරිදි කෝල් තෝමස් ඇලන් මේ වන විට අධිකරණයට ඉදිරිපත් කර ඇති අතර ඔහුට එරෙහිව ජනාධිපතිවරයා ඝාතනය කිරීමට තැත් කිරීම ඇතුළු චෝදනා කිහිපයක් එල්ල වී තිබේ. මෙම සිදුවීමත් සමඟ ධවල මන්දිරය විසින් ජනාධිපතිවරයාගේ ආරක්ෂාව පිළිබඳව විශේෂ සමාලෝචනයක් ද ආරම්භ කර ඇත.
