දිවයින හරහා දැනට පවතින සක්රීය නිරිතදිග මෝසම් කාලගුණ තත්ත්වය (South-West Monsoon) හේතුවෙන් ඉදිරි පැය 24 තුළ රට පුරා තද සුළං ඇතිවිය හැකි බව කාලගුණ විද්යා දෙපාර්තමේන්තුව අනතුරු අඟවයි. අද (05) පස්වරු 3.30ට නිකුත් කරන ලද මෙම අවවාදාත්මක නිවේදනය හෙට (06) පස්වරු 3.30 දක්වා බලාත්මක වනු ඇත.
ඒ අනුව, මධ්යම, සබරගමුව, උතුරු සහ උතුරු-මැද යන පළාත්වලත්, ත්රිකුණාමලය සහ හම්බන්තොට යන දිස්ත්රික්කවලත් විටින් විට පැයට කිලෝමීටර් 40ත් 50ත් (40-50 km/h) අතර වේගයකින් යුත් තද සුළං ඇතිවිය හැකිය. මීට අමතරව, දිවයිනේ සෙසු ප්රදේශවලද විටින් විට පැයට කිලෝමීටර් 30ත් 40ත් (30-40 km/h) පමණ වන තරමක තද සුළං තත්ත්වයක් අපේක්ෂා කළ හැකි බව එම දෙපාර්තමේන්තුව වැඩිදුරටත් සඳහන් කරයි. මේ හේතුවෙන් සිදුවිය හැකි අනතුරු අවම කරගැනීම සඳහා අවශ්ය පූර්ව ආරක්ෂිත පියවර ගන්නා ලෙස මහජනතාවගෙන් ඉල්ලා සිටියි.
