ෆේස්බුක් සහ ඉන්ස්ටග්‍රෑම් ඇතුළු සමාජ මාධ්‍ය හරහා ළමයින් හිතාමතාම ඇබ්බැහි කරවීමට සහ මානසික පීඩනය ඇති කිරීමට කටයුතු කළ බවට චෝදනා කරමින් අමෙරිකානු ප්‍රාන්ත 29ක එකමුතුවක් විසින් මෙටා (Meta) සමාගමට එරෙහිව ගොනු කර ඇති ඓතිහාසික නඩු විභාගයක් කැලිෆෝනියා ප්‍රාන්තයේදී ආරම්භ වී තිබේ.
තරුණ පරිශීලකයින්ට සමාජ මාධ්‍යවලින් සිදුවන බලපෑම් සම්බන්ධයෙන් මෙතෙක් පැවැත්වෙන විශාලතම නඩු විභාගය මෙය වන අතර, මෙටා සමාගමේ ව්‍යාපාරික ආකෘතිය සකස් වී ඇත්තේ පරිශීලකයින් ඇබ්බැහි කරවීම, ඔවුන් රඳවා ගැනීම සහ දත්ත ලබා ගැනීම මඟින් ලාභ ඉපැයීමට බව ප්‍රාන්ත වෙනුවෙන් පෙනී සිටි නීතිපතිවරුන් අධිකරණය හමුවේ පෙන්වා දී තිබේ.
මෙම නඩු විභාගය සති කිහිපයක් පුරා ක්‍රියාත්මක වීමට නියමිත අතර, මෙටා සමාගමට අමෙරිකානු ඩොලර් ට්‍රිලිමන 1.4කට ආසන්න ඉහළ දඩ මුදලකට මුහුණ දීමට සිදුවීමේ අවදානමක් පවතින බව විදෙස් මාධ්‍ය වාර්තා කරයි. මෙම තීන්දුව සමාගමේ අනාගතය කෙරෙහි දැඩි ලෙස බලපානු ඇති බවද සඳහන් වේ.
