කාන්තාවන් අතර බහුලව දක්නට ලැබෙන පියයුරු පිළිකා සහ අනෙකුත් අසාමාන්ය ගැටිති මුල් අවධියේදීම හඳුනාගැනීමේ හැකියාව පුළුල් කිරීම සඳහා අනුරාධපුර ශික්ෂණ රෝහලට රුපියල් මිලියන 153ක් වටිනා අතිනවීන මැමෝග්රැෆි යන්ත්රයක් ලබා දී ඇත.
සෞඛ්ය හා ජනමාධ්ය අමාත්යාංශය සඳහන් කරන පරිදි, මෙම නවීන උපකරණය සෞඛ්ය පද්ධතියට එක්වීමත් සමඟ මැමෝග්රැෆි පරීක්ෂණ සඳහා පවතින පොරොත්තු ලේඛන කාලය අවම කර ගැනීමටත්, වැඩි කාන්තාවන් සංඛ්යාවකට කඩිනමින් පරීක්ෂණ සිදු කිරීමටත් අවස්ථාව සැලසේ. රෝගය මුල් අවධියේදීම හඳුනාගෙන අදාළ ප්රතිකාර සඳහා රෝගීන් කඩිනමින් යොමු කිරීමට මෙමඟින් මහත් පිටුබලයක් ලැබෙනු ඇත.
මෙරට සෞඛ්ය සේවාවේ භෞතික හා තාක්ෂණික සම්පත් ශක්තිමත් කරමින්, ජනතාවට ලබාදෙන රෝග විනිශ්චය සහ ප්රතිකාර සේවා වඩාත් කාර්යක්ෂම සහ ගුණාත්මක කිරීම සඳහා සෞඛ්ය හා ජනමාධ්ය ඇමැති වෛද්ය නලින්ද ජයතිස්ස මහතාගේ උපදෙස් හා මඟපෙන්වීම යටතේ මෙම වැඩපිළිවෙළ ක්රියාත්මක කර ඇත.
