ෆේස්බුක් සහ ඉන්ස්ටග්රෑම් සමාජ මාධ්ය ජාලවල හිමිකාරීත්වය දරන මෙටා (Meta) සමාගම, සිය ගෝලීය සේවක බලකායෙන් 10%ක් හෙවත් සේවකයින් 8,000කට ආසන්න පිරිසක් ඉවත් කිරීමේ පළමු අදියර එළඹෙන මැයි 20 වනදා ආරම්භ කිරීමට සැලසුම් කර ඇති බව වාර්තා වේ. කෘත්රිම බුද්ධිය (AI) උපයෝගී කරගනිමින් සමාගමේ කාර්යක්ෂමතාව ඉහළ නැංවීමේ උපායමාර්ගික පියවරක් ලෙස මෙම සේවක කප්පාදුව සිදු කෙරෙන බව විශ්වාස කටයුතු ආරංචි මාර්ග උපුටා දක්වමින් රොයිටර් පුවත් සේවය සඳහන් කරයි.
මෙම වසරේ මුල් භාගයේදී සිදුවන පළමු සේවක කප්පාදුවෙන් පසුව, 2026 වසරේ දෙවන භාගයේදී තවත් පිරිසක් ඉවත් කිරීමට මෙටා සමාගම අපේක්ෂා කරන නමුත් ඒ පිළිබඳ අවසන් තීරණයක් තවමත් ගෙන නොමැත. තාක්ෂණික ක්ෂේත්රයේ පවතින නව ප්රවණතා සහ කෘත්රිම බුද්ධි තාක්ෂණයේ දියුණුව මත පදනම්ව මෙම තීරණ වෙනස් විය හැකි බව ද වාර්තා වේ. මෑත කාලීනව ලොව ප්රමුඛ පෙළේ තාක්ෂණික සමාගම් රැසක් සිය වියදම් අවම කරගැනීම සඳහා මෙවැනි සේවක කප්පාදු කිරීම් සිදු කරනු ලබයි.
