මෙක්සිකෝවේ චියාපාස් ප්රාන්තයේ වෙරළ තීරයට ඔබ්බෙන් රික්ටර් මාපකයේ 7.3ක ප්රබලත්වයකින් යුත් භූකම්පනයක් 2026 ජූලි 17 වැනිදා වාර්තා විය. මෙම භූකම්පනය මෙක්සිකෝවට අමතරව ගෝතමාලාව සහ එල් සැල්වදෝරය යන රටවලටද තදින් දැනී ඇති අතර, ප්රදේශ ගණනාවක ජනතාව සිය නිවෙස් සහ කාර්යාලවලින් ඉවත් වී වීදිවලට පැමිණියහ.
භූකම්පනයේ අපිකේන්ද්රය මෙක්සිකෝවේ අකිලස් සර්ඩාන් නගරයට කිලෝමීටර් 48ක් නිරිත දෙසින්, කිලෝමීටර් 15.2ක පමණ ගැඹුරක පිහිටා තිබුණි. මෙම සිද්ධියෙන් අනතුරුව පැසිෆික් සුනාමි අනතුරු ඇඟවීමේ මධ්යස්ථානය මගින් වෙරළාසන්න ප්රදේශ සඳහා සුනාමි අනතුරු ඇඟවීමක් නිකුත් කළද, පසුව එම තර්ජනය පහව ගොස් ඇති බව තහවුරු විය. වෙරළාසන්න ප්රදේශවලින් මීටර 0.3ත් 1ත් අතර උසැති සුනාමි රළ වාර්තා වුවද, බරපතල හානි වාර්තා නොවීය.
බලධාරීන් විසින් සිදුකළ මූලික නිරීක්ෂණවලට අනුව බරපතල ජීවිත හානි වාර්තා වී නොමැති අතර, මෙක්සිකෝවේ පුද්ගලයන් දෙදෙනෙකු සුළු තුවාල ලැබීම හේතුවෙන් රෝහල් ගත කරන ලදී. ගෝතමාලාවේ ඇතැම් ප්රදේශවල මාර්ගවල නායයෑම් සිදුවී ඇති අතර ප්රධාන භූකම්පනයෙන් පසු 5.0ත් 6.0ත් අතර ප්රබලත්වයකින් යුත් පසුකම්පන රැසක් ද වාර්තා විය.
