සුප්රකට බාස්කට්බෝල් ක්රීඩක මයිකල් ජෝඩන් විසින් ඔහුගේ ක්රීඩා දිවියේ අතිශය ජනප්රිය 1997-1998 “The Last Dance” NBA අවසාන මහා තරඟාවලියේදී අඳින ලද සුදු පැහැති Chicago Bulls ජර්සිය වෙන්දේසි කිරීමට සූදානම් වන බව CNN පුවත් සේවය වාර්තා කරයි.
ෆැරල් විලියම්ස් ගේ JOOPITER වෙන්දේසි ආයතනය මගින් පැවැත්වෙන මෙම වෙන්දේසියේදී අදාළ ජර්සිය ඇමරිකානු ඩොලර් මිලියන 10 ත් 15 ත් අතර අගයකට අලෙවි වනු ඇතැයි ගණන් බලා ඇත. 1998 ජූනි 7 වන දින Utah Jazz කණ්ඩායමට එරෙහිව ලකුණු 96-54 ක විශිෂ්ට ජයක් Chicago Bulls කණ්ඩායම ලබාගත් තරඟයේදී ජෝඩන් මෙම ජර්සිය පැළඳ සිටි අතර, The Last Dance තරඟාවලියෙන් වෙන්දේසියට ඉදිරිපත් වන එකම සුදු පැහැති ජර්සිය මෙය වීම මෙහි විශේෂත්වයයි.
යම් හෙයකින් මෙම ජර්සිය ඩොලර් මිලියන 10 කට වඩා වැඩි අගයකට අලෙවි වුවහොත්, මීට පෙර 2022 වසරේදී වෙන්දේසියේදී ඩොලර් මිලියන 10.1 කට අලෙවි වූ ජෝඩන්ගේම 1998 Finals Game 1 ජර්සියේ වාර්තාව අභිබවා යමින්, ලොව වෙන්දේසි වූ මිල අධිකම බාස්කට්බෝල් ජර්සිය බවට මෙය පත්වනු ඇත.
