යාපනය රෝහලේ ප්‍රශ්ණවලට විසදුම් ලබා දෙන බව අමාත්‍ය දේවානන්දා පවසයි
යාපනය ශික්ෂණ රොහලේ පවතින මානව හා භෞතික සම්පත් හිගකම පිළිබදව සෞඛය අමාත්‍යවරිය සමග සාකච්චා කර වහාම විසදුම් ලබා දීමට කටයුතු කරන බව ධිවර අමාත්‍ය ඩග්ලස් දේවානන්දා මහතා එම රෝහලේ අධ්‍යක්ෂක වරයා ප්‍රධාන වෛද්‍ය නිළධාරින් ප්‍රමුඛ සාකච්චාවකදි ප්‍රකාශ කර ඇත.
අමාත්‍යවරයා මේ බව පැවසුවේ පසුගිය 14 වනදා යාපනයේ ශික්ෂණ රෝහලේ අධ්යක්ෂ දොස්තර සත්‍යමුර්ති මහතාගේ ප්‍රධානත්වයෙන් පැමිණි වෛද්‍ය නිළධාරි කණ්ඩායම හමුවී රෝහලේ පවතින මානව හා භෞතික සම්පත් වල හිගයත්,යටිතල පහසුකම් වල අඩුපාඩු පිළිබදවත් කරුණු පැහැදිලි කල අවස්ථාවේදිය.
විශේෂයෙන් යාපනය ශික්ෂණ රොහලේ දන්ත වෛද්‍ය අංශයට රෝගීන් විශාල ප්‍රමාණයක් පැමිණෙන බැවින් එහි ඇති දන්ත වෛද්‍ය වරුන්ගේ හිගය හා හෙද සේවක පුරප්පාඩු හැකි ඉක්මණින් පිරවිය යුතු බවට නියෝජිතයින් පිරිස අමාත්‍යවරයාට පෙන්වා දුන්හ.
එමෙන්ම මෙම රෝහල දැනට උතුරේ ජනතාවට ඉමහත් සේවයක් ලබා දෙන උතුරු පලාතේ ප්‍රධානතම රෝහල බවට පෙන්වා දුන් නියෝජිත කණ්ඩායම එහිදි රෝගීන්ට ලැබෙන පහසුකම් ඉතා අවම මට්ටමක පවතින බවද පෙන්වා දුන්හ.
යාපනය ශික්ෂන රෝහලේ මෙරට සෞඛ්‍ය ක්ෂේත්රයේ වැදගත් ස්ථානයක් ගන්නා රෝහලක් බවට සංවර්ධනය කලයුතු බවද පෙන්වා දුන්හ.ඒ සදහා රෝහලට අත්‍යවශ්‍ය පහසුකම් ලබා දෙන මෙන් අමාත්‍යවරයාගෙන් ඉල්ලා සිටියහ.
මෙම වෛද්‍ය කණ්ඩායමේ ඉල්ලීම වලට සවන් දුන් අමාත්‍යවරයා සෞඛ්‍ය අමාත්‍යවරිය හමුවි මේ පිළිබදව හැකි ඉක්මණින් පියවර ගන්නා බවද අමාත්‍යවරයා පොරොන්දු විය.