මොරටුව කොරලවැල්ල ප්‍රදේශයේ තීන්ත නිෂ්පාදනාගාරයක තීන්ත තැන්පත් කරන්නා වු ප්‍රධාන ගබඩාවක ( ටැංකියක) පතුල සම්පුර්ණයෙන් දිරාපත් වීම නිසා විශාල තීන්ත ප්‍රමාණයක් බොල්ගොඩ ගගට එක්වී ඇති බව නිරික්ෂණයට ලක්ව ඇති බව ධිවර අමාත්‍යංශය පවසයි.
ඒ මගින් ජලය දූෂණ වී ඇති අතර මාළු ඇතුළු අනෙකුත් ජලජ ශාඛ ද විනාශ වී ඇති බව දක්නට තිබු බව වාර්තා වේ.
මේ පිළිබදව ජාතික ධීවර සම්මේලනයේ කොළඹ දිස්ත්‍රික් සංවිධායක චන්ද්‍රා ප්‍රනාන්දු මහතා විසින් ධීවර අමාත්‍ය ඩග්ලස් දේවානන්දා මහතා දැනුවත් කිරීමෙන් පසු වහාම ක්‍රියාත්මක වු අමාත්‍යවරයා එම ප්‍රදේශයට ගොස් වහාම මේ පිළිබද පරීක්ෂණයක් පවත්වා තමන්ට කඩිනමින් වාර්තාවක් සපයන ලෙස නාරා ආයතනයේ සභාපති ආචාර්ය නවරත්න රාජා මහතාට උපදෙස් දුන් අතර ජාතික ධීවර මහා සම්මේලනයේ ලේකම් නෙල්සන් එදිරිසිංහ මහතාට මේ පිළිබදව වහාම අදාල පොලිස් නිලධාරීන්ට හා පරිසර අධිකාරිය දැනුවත් කරන ලෙස දන්වා සිටින සිටි.
ඒ අනුව නාරා ආයතනයේ නිලධාරීන් යවා දැනටමත් එම ප්‍රදේශයේ ජලය පරීක්ෂා කරන අතර පොලීසියේ මැදිහත් වීම හේතු කොට ගෙන එම තීන්ත ආයතනය විසින් එම දුෂණයට ලක් වු ජලය ඉවත් කිරීමට පියවර ගෙන ඇත. නමුත් ධීවර අමාත්‍යවරයා මේ පිළිබදව අදාල නිළධාරීන්ට උපදෙස් ලබා දී ඇත්තේ ඉදිරියේදී මෙවැනි තත්වයක් ඇති නොවන ආකාරයට කටයුතු කරන ලෙසයි. දැනටමත් මේ පිළිබදව අදාල ආයතන විසින් පරීක්ෂණ ආරම්භ කොට ඇත.
