ඉංජිනේරුමය කාර්යයන් පිළිබඳ මධ්යම උපදේශක කාර්යාංශයේ (CECB) ඉදිරි පාලන කටයුතු සහ පවතින ගැටළු සොයා බැලීම සඳහා කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ.ඩී. ලාල් කාන්ත මහතා ඊයේ (19) විශේෂ නිරීක්ෂණ චාරිකාවක නිරත විය.
මෙම සංචාරයේදී සේවක පුරප්පාඩු පැවතීම හේතුවෙන් දෛනික කාර්යක්ෂමතාවයට බාධා එල්ල වීම සහ රාජකාරී හා ක්ෂේත්ර නිරීක්ෂණ කටයුතු සඳහා අවශ්ය වාහනවල දැඩි හිඟයක් පැවතීම යනාදී ප්රධාන ගැටළු කෙරෙහි අමාත්යවරයාගේ අවධානය යොමු විය. ආයතනයේ ඉහළ කළමනාකාරීත්වය මෙන්ම සේවකයන් හමුවී ඔවුන්ගේ ගැටලුවලට සවන් දුන් අමාත්යවරයා සඳහන් කළේ, අදාළ නිලධාරීන් සමඟ සාකච්ඡා කර මෙම ගැටළුවලට කඩිනම් සහ ප්රායෝගික විසඳුම් ලබාදීමට පියවර ගන්නා බවයි.
මෙහිදී වැඩිදුරටත් අදහස් දැක්වූ අමාත්ය කේ.ඩී. ලාල් කාන්ත මහතා පෙන්වා දුන්නේ, බංකොලොත් වූ රටක් ගොඩනැගීමේදී සහ රැඩිකල් වෙනස්කම් සිදුකිරීමේදී විවිධ අභියෝග හා ප්රතිරෝධයන්ට මුහුණ දීමට සිදුවන බවයි. රජය සහ දේශපාලනය බිඳවැටීම හේතුවෙන් රට අගාధයට ගිය බවත්, වත්මන් ක්රමවේදය වෙනස් කරමින් ජනතා හිතවාදී කාර්යක්ෂම රාජ්ය සේවයක් බිහි කිරීමට රජය කැපවී සිටින බවත් ඔහු අවධාරණය කළේය.
