රිය අනතුරු රාශියක් සිදු වන්නේ සාමාන්‍ය මාර්ග නීති උල්ලංඝනය කිරීම තුළ බවත් මීට ප්‍රධාන හේතුව මත්ද්‍රව්‍ය බව භාවිතය බව හදුනාගෙන බව මහජන ආරක්ෂක අමාත්‍ය රියර් අද්මිරාල් ආචාර්ය සරත් වීරසේකර මහතා පවසයි.
අමාත්‍යවරයා මේ බව පැවසුවේ වසර 10ක දී රිය අනතුරුවලින් 27,000ක ප්‍රමාණයක් මියගොස් ඇති අතර වසර තිහක් පැවති යුද්ධයේදී ජීවිත අහිමි ව ඇත්තේ 29,000 ප්‍රමාණයක් බවත් ඒ හා සසඳන විට එය ප්‍රතිශතක ලෙස විශාල අගයක් ගන්නා බවත් සඳහන් කළේය.
වසර 10ක දී රිය අනතුරුවලින් 27,000ක ප්‍රමාණයක් මියගොස් ඇති අතර වසර තිහක් පැවති යුද්ධයේදී ජීවිත අහිමි ව ඇත්තේ 29,000 ප්‍රමාණයක් බවත් ඒ හා සසඳන විට එය ප්‍රතිශතක ලෙස විශාල අගයක් ගන්නා බව හෙතෙම පැවසිය.
මෙම රැස්වීම සඳහා සහභාගි වූ විවිධ ආයතන නියෝජිතයන් දැනට මත්ද්‍රව්‍ය පරීක්ෂාවට භාවිත වන උපකරණ පිළිබඳවත්, වර්තමානයේ ලෝකය පුරා මත්ද්‍රව්‍ය පරීක්ෂාවට භාවිතා කරන ක්‍රමවේද පිළිබඳවත් දැනුවත් කරන ලදී. එසේම මෙහිදී විශේෂ අවධානය යොමු වූයේ ක්ෂණයකින් මත්ද්‍රව්‍ය භාවිතා කළ රියදුරන් හඳුනාගත හැකි උපකරණ භාවිතා කිරීම පිළිබඳවය. මාර්ග අනතුරු අඩු කිරීම සඳහා මෙම උපකරණ කඩිනමින් භාවිතයට ගැනීම සියලු දෙනාගේ ප්‍රධාන අරමුණ විය.
මෙම අවස්ථාව සඳහා මහජන ආරක්ෂක අමාත්‍යංශයේ ලේකම් මේජර් ජෙනරාල් ජගත් අල්විස්, ජේෂ්ඨ නියෝජ්‍ය පොලිස්පති දේශබන්දු තෙන්නකෝන් සහ සෞඛ්‍ය අමාත්‍යාංශය, ප්‍රවාහන අමාත්‍යංශය, මෝටර් රථ දෙපාර්තමේන්තුව, ජාතික ප්‍රවාහන කොමිසම, ජාතික ප්‍රවාහන වෛද්‍ය ආයතනය ඇතුළු විවිධ ආයතන ගණනාවක නියෝජිතයන් සහභාගි විය
