දිවයින පුරා පිහිටි පාසල් වෙත විවිධ මත්ද්රව්ය සහ මත්පෙති ළඟාවීමේ ප්රවණතාව වර්තමානය වන විට කැපී පෙනෙන ලෙස ඉහළ ගොස් ඇතැයි කාන්තා හා ළමා කටයුතු අමාත්ය සරෝජා සාවිත්රි පෝල්රාජ් මහත්මිය ප්රකාශ කරයි.
පාර්ලිමේන්තුව අමතමින් ඇය අවධාරණය කළේ දිවයිනේ සෑම ප්රදේශයක්ම ආවරණය වන පරිදි සමස්ත පාසල් පද්ධතියටම මෙම නීතිවිරෝධී මත්ද්රව්ය කාන්දු වීම වර්ධනය වී ඇති බවයි. මෙම තත්ත්වය හමුවේ ශිෂ්ය ප්රජාව මෙම විනාශයෙන් ගලවා ගැනීම සඳහා කඩිනම් වැඩපිළිවෙළක් ක්රියාත්මක කළ යුතු බව ඇය පෙන්වා දුන්නාය.
ඊට අදාළව, විෂ මත්ද්රව්යවල ආදීනව පිළිබඳව සිසුන් දැනුවත් කිරීමේ විශේෂ වැඩසටහන් මාලාවක් ශ්රී ලංකා පොලිසියේ සෘජු දායකත්වය ඇතිව සංවිධානය කිරීමට පියවර ගන්නා බව ද අමාත්යවරිය සභාවට වැඩිදුරටත් දැනුම් දුන්නාය.
