මහා භාණ්ඩාගාරයේ තිබූ අමෙරිකානු ඩොලර් මිලියන 2.5ක මුදලක් සයිබර් ප්රහාරයකින් අතුරුදහන් වීම සම්බන්ධයෙන් පාර්ලිමේන්තුවේදී අදහස් දක්වමින් අනිල් ජයන්ත මහතා අනතුරු ඇඟවූයේ මෙම සිද්ධිය නිසා ශ්රී ලංකාව කෙරෙහි පවතින ජාත්යන්තර මූල්ය විශ්වාසය බිඳවැටී, ජාත්යන්තර ණය පැහැර හැරීමේ චෝදනාවකට රටට මුහුණ දීමට සිදු විය හැකි බවයි.
භාණ්ඩාගාරය වැනි ඉහළ මට්ටමේ ආරක්ෂාවක් තිබිය යුතු මූල්ය ආයතනයකින් මෙවැනි මුදල් ප්රමාණයක් තෙවැනි පාර්ශ්වයකට යාම රටේ මූල්ය පද්ධතියේ ආරක්ෂාව පිළිබඳ බරපතල ප්රශ්න මතු කරන බව ඔහු පෙන්වා දුන්නා. ජාත්යන්තර මූල්ය ගනුදෙනු පද්ධති තුළ ශ්රී ලංකාවේ විශ්වාසවන්තභාවය පලුදු වී ඇති බවත්, මෙවැනි සිදුවීම් හරහා විදේශ ආයෝජකයින් සහ ජාත්යන්තර මූල්ය ආයතන ශ්රී ලංකාව සමඟ ගනුදෙනු කිරීමේදී වැඩි අවදානමක් දැකීමට ඉඩ ඇති බවත් ඔහු අවධාරණය කළා. නිසි ආරක්ෂක ක්රමවේද අනුගමනය නොකිරීමේ ප්රතිඵලයක් ලෙස මෙවැනි අගතියක් සිදුවීම තුළින් ණය ප්රතිව්යුහගතකරණය සහ ජාත්යන්තර ණය ගෙවීම් සම්බන්ධයෙන් ශ්රී ලංකාවට ලබා දෙන සහන කප්පාදු වීමට හෝ අත්හිටුවීමට ජාත්යන්තර පාර්ශ්ව පෙළඹිය හැකි බව ඔහුගේ අදහස වුණා. එම නිසා මෙම සිද්ධියට වගකිව යුතු පාර්ශ්වයන් කඩිනමින් හෙළි කර ගෙන රටේ මූල්ය කීර්තිනාමය රැක ගැනීමට පියවර ගත යුතු බව ඔහු තවදුරටත් කියා සිටියා.
